Nicola Porpora

Wikipedia, Entziklopedia askea
Hona jauzi: nabigazioa, Bilatu
Nicola Porpora
Nicola Antonio Porpora.jpg
Bizitza
Jaiotza Napoli1686ko abuztuaren 17a
Heriotza Napoli1768ko martxoaren 3a (81 urte)
Irakaslea(k) Gaetano Greco
Ikaslea(k) Farinelli
Lanbidea
Lanbidea musikagilea eta musika-irakaslea
Mugimendua musika barrokoa
Genero artistikoa opera

Nicola (Antonio) Porpora edo Niccolò Porpora (Napoli, 1686ko abuztuaren 17a - ibidem, 1768ko martxoaren 3a) italiar musikagilea eta kantu-irakaslea izan zen. XVIII. mendeko italiar kantu-irakaslerik ospetsuenetakoa izan zen, eta napoliar estiloko opera dotore eta lirikoen egilea. 1707an, Filipe Hesse-Darmstadtekoa printzearen kapera-maisu izan zen, Napolin. Hiri hartan, Erroman eta Venezian aurkeztu ziren Porporaren lehen operak. 1715-1722 urte-bitartean, Napoliko Conservatorio di S. Onofrioko maisu izan zen, eta ikasle izan zituen, besteak beste, Antonio Uberti Porporino, Farinelli eta Caffarelli castratiak, eta J.A. Hasse eta Metastasio, geroago Porporaren libretogile begikoena izan zena. 1733an, Londresera joan zen, eta bost opera idatzi zituen han, besteak beste, Polifemo (1735) eta Davide e Bersabea (1734). 1736an, Londres utzi, eta Venezia eta Vienara itzuli zen. 1752an, Haydn gaztearen konposizio-irakaslea izan zen. 50 bat opera, oratorio ugari, mezak, moteteak eta musika-tresnetarako lanak ondu zituen.

Erreferentziak[aldatu | aldatu iturburu kodea]