Novera Ahmed
| Novera Ahmed | |
|---|---|
| Bizitza | |
| Jaiotza | Chittagong, 1939ko martxoaren 29a |
| Herrialdea |  Bangladesh  Britainiar Raj  Pakistan |
| Lehen hizkuntza | bengalera |
| Heriotza | Haute-Isle, 2015eko maiatzaren 5a (76 urte) |
| Hezkuntza | |
| Heziketa | Camberwell College of Arts (en)  Dr. Khastagir Government Girls' School (en) |
| Jarduerak | |
| Jarduerak | eskultorea |
| Jasotako sariak | ikusi
|
Novera Ahmed (Chittagong, Bangladesh, 1939ko martxoaren 29a - Haute-Isle, Frantzia, 2015eko maiatzaren 5a). Bengalako eskultore eta margolaria zen.[1][2]
Biografia[aldatu | aldatu iturburu kodea]
Sortzez Bangladeshekoa, Novera Ahmed Londresera joan zen Camberwell School of Arts and Craftseko eskoletara, 1951tik 1955era, eta, gero, Venturi Venturinorekin formatu zen, Florentzian eta Vienan.[3][2] Europaren eta bere sorterriaren arteko joan-etorriko bidaien ondoren, Bangladeshekiko lotura oro bertan behera utzi, eta Frantziara joan zen bizitzera, 1970eko hamarkadan.[4]
Obra[aldatu | aldatu iturburu kodea]
Bangladesheko lehen eskultore modernotzat ekarria da Novera Ahmed.[5] Salima Hashmi artista eta arte-historialariaren iritziz, bere herrialdean eskultura-estilo garaikidea sartu duen artista da Ahmed.[3]
1956 eta 1960 artean, ehun bat eskultura landu zituen, eta horietatik 33 Bangladesheko Museo Nazionalean daude gaur egun.[6] Lehen erakusketa Daccan egin zuen, 1960an: eskultura-multzo bat erakutsi zuen, gehienak zementuzkoak.[3]
Hamidur Rahmanekin eta Gean Deleuranekin Shaheed Minar diseinatu izanagatik da ezaguna, hots, hizkuntzaren aldeko mugimenduaren martirien oroitzapen-monumentu nazionala.[5]
Iruditegia[aldatu | aldatu iturburu kodea]
-
Composition -
Reclining Figure -
Seated Woman
Aintzatespena eta goraipamenak[aldatu | aldatu iturburu kodea]
- 1997an Ekushey Padak eskuratu zuen, Bangladesheko Kultura Gaietarako Ministerioak urtero emana.[5] Hori da herrialdeko bigarren goraipamen zibil garratntzitsuena. Bere jaioterrian aintzatespena egin zioten 2017an, Bengalako gobernuak artistaren zenbait obra erosteko finantzazio-plan bat iragarri zuenean.[7]
- 2018an Novera Ahmed Museoa inauguratu zuten, La Roche-Guyonen (Frantzia).[8]
- 2019ko martxoaren[9] 29an, Google doodle batek bere jaiotzaren urteurrena ospatu zuen.[10]
Erreferentziak[aldatu | aldatu iturburu kodea]
- ↑ Relevé des fichiers de l'Insee
- ↑ a b Sculptor Novera passes away. 2015-05-07.
- ↑ a b c Rezaul Karim Sumon. Novera Ahmed. .
- ↑ Patrick Amine. Novera Ahmed. .
- ↑ a b c Lecture focuses on Novera Ahmed. .
- ↑ Correspondent, Senior; bdnews24.com. Pioneer sculptor Novera Ahmed dies in Paris. .
- ↑ Govt plans to purchase Novera Ahmed paintings. 2017-08-31.
- ↑ presse, M. et Em. Musée Novera Ahmed, au pied du Château de La Roche-Guyon, en bord de Seine. .
- ↑ 80e anniversaire de la naissance de Novera Ahmed. .
- ↑ Google doodle celebrates sculptor Novera Ahmed’s birthday. 2019-03-29.
