Onbu

Onbu (phytolacca dioica) Phytolaccaceae familiako espezie baten izen arrunta da.

Argentina eta Uruguaiko pampan jatorria duen landare hau, nahiz eta 10-15 metro arteko altuera izan, dudatan dago zuhaitza, zuhaixka edo belarra den. Guaranieraz bere izenak "itzal" esan nahi du eta bertako folklorean sarritan aipatua da.^[1]

«	Zuhaitz handi bat dela uste du jendeak, baina zuhaixka bat da; maitatua eta gorrotatua da aldi berean, Otaño bezalatsu: karlistek gorroto zuten, eta liberalek ez zuten larregi maite. Onbuarekin antzeko zerbait gertatzen da: gautxoek oso maitea dute, itzal ederra ematen baitu; baina gainontzekoek ez dute estimuan, haren enborra hutsa baita barrendik, eta ez duelako egurretarako balio.	»
—Patxi Bisquert