Peltre

Wikipedia(e)tik
Hona jo: nabigazioa, Bilatu
Artikulu hau Aleazioari buruzkoa da; beste esanahietarako, ikus «Peltre (argipena)».
Peltre platera bat.

Peltrea eztainu, kobre, antimonio eta berunez osatutako aleazio bat da. Xaflakorra, biguina eta zuri kolorekoa da, zilarrarekin nolabaiteko antzekotasuna du, ez da oso erreaktiboa eta 170-230 °C artean urtutzen da, hortaz apaingarriak egiteko erabili ohi da. Iraunkorra eta xaflakorra denez, denboraren poderioz patina interesgarria bereganatzen du eta edozein itxuraz landu liteke.

Usadioz %85-%99eko eztainua eta gogortasuna emateko %1-4a kobrea daramatza. Kolore urdinxka izan dezan berun kopuru txiki bat eman ohi zaio. Bere itxura distiratsua, leuna eta zilarraren antzekoa da, metal horren antzera oxidazioaren ondorioz eta tratamendu kimikorik ematen ez bazaio belztera jotzen du. Peltrea xaflakorra denez, eskuarekin indar eginez ere desitxuratu daiteke. Fusio puntu baxua du.

Wikimedia Commonsen badira fitxategi gehiago, gai hau dutenak: Peltre