Putzubeltz ur-jauzia

Putzubeltz ur-jauzia
Putzubeltz ur-jauzia
Geografia
Koordenatuak	43°10′19″N 1°44′39″W / 43.17193°N 1.74406°W43°10′19″N 1°44′39″W / 43.17193°N 1.74406°W
Herrialdea	Euskal Herria
Foru erkidego	Nafarroa Garaia
Udalerria	Arantza

Putzubeltz ur-jauzia Nafarroa Garaian dagoen ur-jauzia da izen bereko errekan kokatuta dagoena, Bortziriak eskualdeko Arantza udalerriko lurretan, Aientsa eta Azkilarrea auzoen artean. 10-15 metroko jauzia egiten du urak harrizko horma beltz baten aurrean eta behean putzua eratzen da.

Inguruko mendiak[aldatu | aldatu iturburu kodea]

Ur-jauzi hau Mendaurreko mendilerroko mendi garaiez inguratuta dago. Horrela zirko-erdi baten zentroa da ur-jauzia, zirko horrek 800 metroko desnibela du eta 2,5 kilometroko diametroa. Inguruko mendiak honako hauek dira:

Mairubaratzeta, 851m
Mendaur, 1.131 m^[1]^[2]
Mendieder, 1.071 m
Arainburu, 1.054 m
Loitzate, 1.048 m
Ekaitza, 1.046 m
Komizko Gaina, 1.037 m
Negusoro, 857 m

Putzubeltz erreka eta bere adarrak[aldatu | aldatu iturburu kodea]

Putzubeltz errekak beste errekatxo hauen urak jasotzen ditu ur-jauzia baino lehen: Imintzako erreka, Txinurtiko erreka eta Munierko erreka.^[1]

Ur-jauziapasa eta metro batzuetara Beraskun errekarekin batzen da, eta beste errekatxo hauen urak ere jasotzen ditu ur-jauzia pasa ondoren: Bordaberriko erreka, Egusuetako erreka, Bidartxoetako erreka, eta Arribeltzeko erreka.

Putzubeltz erreka Latsako errekara eramaten ditu urak, eta horrek Bidasoara, Igantzi herriak beheko aldean duen Berrizaun auzoan.

Bertara nola iritsi[aldatu | aldatu iturburu kodea]

Arantza herritik bi bide daude ur-jauzira heltzeko, bat Aientsa auzotik eta bestea Azkilarrea auzotik. Bide biak konbinatuz 9 km-ko ibilaldi zirkular egin ohi da ur-jauzia bisitatzeko.^[2]