Santa Maria eliza (Lezama)

Wikipedia, Entziklopedia askea
Jump to navigation Jump to search
Santa Maria eliza (Lezama)
Logotipo del Gobierno Vasco.svg Eraikitako euskal ondasun nabarmena
Kostaldeko Donejakue bidea Kostaldeko Donejakue bidea
Lezama - Andra Mari eliza 3.jpg
Kokapena
Herrialdea  Euskal Herria
Probintzia  Bizkaia
Herria Lezama
Koordenatuak 43° 16′ 25″ N, 2° 50′ 05″ W / 43.273667°N,2.834654°W / 43.273667; -2.834654Koordenatuak: 43° 16′ 25″ N, 2° 50′ 05″ W / 43.273667°N,2.834654°W / 43.273667; -2.834654
Historia eta erabilera
Eraikuntza XVI. mendea
Erlijioa katolizismoa
Arkitektura
Estiloa arkitektura gotikoa
Pizkundetar arkitektura
Arkitektura barrokoa
Ondarea
EJren ondarea 1

Santa Maria eliza Lezamako Aretxalde auzoan dagoen XVI. mendeko eliza bat da[1].

Ezaugarriak[aldatu | aldatu iturburu kodea]

Santa Maria parrokia-eliza XVI. mendean eraikitako nukleo gotiko batetik aurrerako eraldaketa eta handitzeen emaitza da. Barruan, gangak, bost aldare eta atari luze eder bat daude, eliza handitu arte lurperatzeko erabili zena. Eraikinaren nortasuna definitzen duten ezaugarriak gotikoa eta barrokoa dira.

Elizpearen barruan elizateko mahaia dago, Lezamako udal-komunitatearen bilera-gune gisa zuen antzinako funtzioa gogoratuz. Elizaren barrualdea hiru habeartetan banatuta dago eta, oinaldean, arku karpanelaren gainean dagoen korua nabarmentzen da. Kapera nagusiak guztiz osatzen du bere irudia, erretaula barroko batekin. Urre-koloreko erretaula honek hiru kale eta teilatupea ditu, eta bere zutabe konposatuek, fusteetan, girlanden dekorazio berezia jasotzen dute.

Erdiko kalean, horma-hobi batean, Mariaren Jasokundearen irudia nabarmentzen da. Horma-hobiaren goialdetik irteten diren bi aingerutxok, apurtutako adarkadura batean bermatuta, gure begirada Birjinaren irudira erakartzen laguntzen dute. Alboetako kaleetan San Pedro eta San Pauloren irudiak daude.

Eliza honetan dauden elizateko bi Erregeordeen eserlekuak, garai baten testigantza bezala duten balioagatik dira nabarmengarriak. Zur polikromatuzkoak dira, eta XVIII. mendearen amaierako urteetakoak dirudite. Sakristian bi pieza interesgarri daude. Bata, San Bartolomeren irudia da, San Antolin ermitatik ekarria izan ondoren, bestea, bizkarralde zabala duen eserleku formako arkua da[1].

Ondarea[aldatu | aldatu iturburu kodea]

Eusko Jaurlaritzak izendatutako ondarea da[2].

Argazki galeria[aldatu | aldatu iturburu kodea]

Erreferentziak[aldatu | aldatu iturburu kodea]

  1. a b «Lezamako Udala - Andra Mari eliza» www.lezama.eus . Noiz kontsultatua: 2019-09-27.
  2. «Santa Maria eliza . Ondarea. Euskal Ondare Kulturalaren Informazio Sistemaren hasiera orria» www.euskadi.eus . Noiz kontsultatua: 2019-09-27.

Kanpo estekak[aldatu | aldatu iturburu kodea]