Sarah Caldwell

Wikipedia, Entziklopedia askea
Hona jauzi: nabigazioa, Bilatu
Sarah Caldwell
Bizitza
Jaiotza Maryville (Missouri)1924ko martxoaren 6a
Herrialdea  Ameriketako Estatu Batuak
Heriotza Portland2006ko martxoaren 23a (82 urte)
Hezkuntza
Heziketa Hendrix College
New England Conservatory of Music
University of Arkansas
Bates College
Hizkuntzak ingelesa
Jarduerak
Jarduerak antzerki enpresaburua, orkestra zuzendaria eta musikaria
Jasotako sariak
Kidetza Arteen eta Zientzien Ameriketako Estatu Batuetako Akademia

Sarah Caldwell (Maryville, Ameriketako Estatu Batuak, 1924 - Portland, Ameriketako Estatu Batuak, 2006).

Bizitza[aldatu | aldatu iturburu kodea]

Ingalaterra Berriko Musika Kontserbatorioan egin zituen ikasketak, opera produkziokoak, eszenografiakoak eta musika zuzendaritzakoak, bai eta biolin eta biolakoak ere. Eskolak eman zituen Berkshireko Musikako Zentroan, 1948 eta 1952 urteen bitartean. Bostongo Unibertsitateko Opera Lantegiaren buru izan zen 1952-1960 urteetan.

Bostongo Opera Konpainiaren sortzailea izan zen (1957), eta sarritan jardun zuen haren zuzendari artistiko eta musika zuzendari gisa. New Yorkeko Metropolitan aretoan zuzendari jardun zuen lehenengo emakumea izan zen (1976). 1983an Israelgo Opera Konpainia Berriko zuzendari artistiko izendatu zuten. Bere ekarpen nagusia opera produkzioetan elementu dramatikoen nagusitasuna nabarmentzea izan zen, eta orobat efektu ikusgarriekiko eszenografiak osatzea. Era berean, ezaguna da gutxitan antzezturiko zenbait operaren bertsio osoak produzitu zituelako, adibidez, Arnold Schoenbergen Moises eta Aaron, Sergei Prokofieven Gerra eta bakea, Hector Berliozen Troiarrak, Alban Bergen Lulu, edo Roger Sessionsen Moktezuma.

Erreferentziak[aldatu | aldatu iturburu kodea]