Schleswig

Wikipedia(e)tik
Hona jo: nabigazioa, Bilatu
Schleswig
Alemania Alemaniako udalerria
Schleswig WT2005.jpg
Schleswig-Coat.svg
Administrazioa
Herrialdea  Alemania
Estatua  Schleswig-Holstein
Barrutia Schleswig-Flensburg
Udalerria Schleswig
Postakodea 24837
Udal kodea 01059075
Geografia
Koordenatuak 54° 30′ 55″ N, 9° 34′ 11″ E / 54.515277777778°N,9.5697222222222°E / 54.515277777778; 9.5697222222222Koordenatuak: 54° 30′ 55″ N, 9° 34′ 11″ E / 54.515277777778°N,9.5697222222222°E / 54.515277777778; 9.5697222222222
Schleswig in SL.PNG
Schleswig hemen kokatua: Alemania
Schleswig
Schleswig
Azalera 24,3 km²
Demografia
Biztanleria 23.635 biztanle
Dentsitatea 972,63 bizt/km²
Bestelako informazioa
Telefono aurrizkia 04621
Webgune ofiziala

Schleswig Alemaniako Schleswig-Holstein estatu federaleko hiria da, Jutlandia penintsularen hego-ekialdean kokaturik. Estatuari izena ematen dion arren, hiriburua Kiel da. Danimarkarekiko mugatik 45 kilometrotara dago eta itxuragatik "Hiri vikingoa" ezizena jaso izan du.

Geografia[aldatu | aldatu iturburu kodea]

Angeln eta Schwansen penintsulak banatzen dituen Schlei fiordoan kokaturik dago. Schlei fiordoa Itsaso Baltikoan dagoen fiordorik luzeena da. Iparraldean Flensburg hiria dauka eta hego-ekialdean Kiel. Hiruak ere Jutlandiaren ekialdeko kostaldean kokaturik daude.

Historia[aldatu | aldatu iturburu kodea]

Vikingoek Schlei fiordo guztia kolonizatu zuten eta Hedeby herria sortu zuten 804. urtean. Itsaso baltikoko asentamendu garrantzitsua zen eta bi mendetan zehar ingurunearen kontrola ezarri zuten Hedebytik. 1050 urtean hiria erasotua izan zen eta biztanleek fiordoaren beste aldean Schleswig sortu zuten. 1066an eslaviarrek Hedeby erabat suntsitu zuten. Schlewig Danimarkaren barnean zegoen orduan.

Bertakoak ziren Gottorf dukeak, daniarren menpekoak zirenak, Gottorf gazteluaz jabetu ziren. Iparraldeko Gerra Handia 1721ean bukatzean daniar erregeek Gottorf dukeak kendu eta lurraldea zuzenean beraiek gobernatzea erabaki zuten. XIX mendean Schleswigeko bi gerra izan ziren Danimarka eta Prusiaren artean. Azkenik 1864ean Prusiak eskuratu zuen lurraldea.

Gottorf gaztelua

Ondasun nabarmenak[aldatu | aldatu iturburu kodea]

  • Schlewigeko katedrala (Schleswiger Dom): San Petriren omenezko katedral luteranoa 1200 urtearen inguruan bukatu zen. 1275ean ordea dorreak erori ziren eta 1300 inguruan koro gotikoa gehituz hasi zen berreraikuntza 1408an bukatu zen. Frederiko I.a Danimarkakoa bertan hilobiratua dago.
  • Gottorf gaztelua (Schloss Gottorf): Schlei fiordoko uharte batean dagoen gaztelua da. 1161ean eraiki zen, baina gaur egun dakusagun gaztelua 1697 eta 1703 artean jaso zuen Nicodemus Tessin (semea) arkitektu suediarrak. XVIII eta XIX mendeetan erabat utzita egon zen eta Bigarren Mundu Gerraren ondoren berreraikuntzari ekin zitzaion, lanak 1996an bukatu zirelarik.
  • Hedeby herriaren aztarnak.

Hiritar ezagunak[aldatu | aldatu iturburu kodea]

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Schleswig Aldatu lotura Wikidatan