Shen Kuo edo Shen Gua (pinyinez: Shěn Kuò; Wade–Giles: Shen K'uo; Qiantang, 1031 - Runzhou, 1095) txinatar astronomoa, matematikaria eta entziklopedia-egilea. Mengxi Bitan lana idatzi zuen; besteak beste, iparrorratz magnetikoa lehen aldiz aipatu eta fosilen jatorriari buruzko azalpen zehatza eman zuen. Lan hartan azaldu zituen matematika, astronomia, kartografia, optika eta matematikari buruz egin zituen ikerketak ere.