Sukar itzulkor edo atzerakaria[1]gaixotasun infekziosoa da, gorputzeko tenperatura behin eta berriz igotzen duena. Rickettsia generoko mikroorganismoek edo Borrelia generoko espiroketek eragindakoa izan daiteke,[2] gizakiari parasito hematofagoen ziztadek transmititzen dizkionak: intsektuak, zorriak kasu, eta akaroak, akainak bezala, bereziki Ornithodoros generokoak.[3]
Kutsatutako pertsona gehienek 5-15 eguneko epean garatzen dute gaixotasuna, hozka egin eta gero. Sintomak hauek izan daitezke: sukar gogorra izerdi ugariarekin, hotzikarak, buruko mina, giharretako edo artikulazioetako mina eta goragalea. Erupzio bat ere gerta daiteke. Oro har, sintoma horiek 2 eta 9 egun bitartean irauten dute, eta gero desagertu egiten dira. Ziklo horrek hainbat astez jarrai dezake, pertsona ez bada tratatzen.[4]