Teddy Tamgho (Paris, 1989koekainaren 15a) hirukoitz eta luzera jauzian espezializatutako atleta frantziarra da. 2021ko urtarrilararte, Hugues Fabrice Zangok kendu arte (18.07m)[1], jauzi hirukoitzan pista estaliko munduko errekorra eduki zuen 17,92 metroko markarekin eta marka horrekin 2011ko Europako Pista Estalitako Txapelketan urrezko domina lortu zuen. Aire librean, jauzi hirukoitzeko proban munduko inoizko seigarren jauzilaririk onena da, 18.04ko marka pertsonalarekin, 2013ko Munduko Txapelketan urrezko domina irabaztean lortutako marka izanik.
Tamghoren lehen urrezko domina 2008ko Junior mailako Munduko Txapelketan izan zen eta hurrengo urtean Munduko Atletismo Txapelketako finalera iritsi zen jauzi hirukoitzean (non 11. postuan sailkatu zen). Jauzi hirukoitzean munduko pista estaliko errekorra 17,90ekoa izatera iritsi zen 2010eko Pista Estaliko munduko txapelketan urrezko domina irabaztean. 2010eko IAAFeko Diamantezko Ligako irabazle izan zen jauzi hirukoitzean eta 2010eko Europako Txapelketako salto hirukoitzeko brontzezko domina ere lortu zuen. Tamghok 2012ko Londresko Olinpiar Jokoetan ezin izan zuen parte hartu eskuineko orkatilan ebakuntza egin ziotelako.