Teófilo Stevenson

Teófilo Stevenson
	; Irudi gehiago
Bizitza
Jaiotza	Puerto Padre (en) , 1952ko martxoaren 29a
Herrialdea	Kuba
Heriotza	Habana, 2012ko ekainaren 11 (60 urte)
Heriotza modua	berezko heriotza: miokardio infartu akutua
Jarduerak
Jarduerak	boxeolaria eta ingeniaria
	Parte-hartzailea 1980ko Udako Olinpiar Jokoak ; 1976ko Udako Olinpiar Jokoak ; 1972ko Udako Olinpiar Jokoak ;
Altuera	196 zentimetro
Jasotako sariak	ikusi SESBeko Kirolaren Maisu ohorrezko ;

Teófilo Stevenson Lawrence (Puerto Padre, Las Tunas, 1952ko martxoaren 29a - Habana, 2012ko ekainaren 11^[1]) kubatar boxeolari amateurra izan zen. Olinpiar Jokoetan urrezko hiru domina lortu zituen boxeolari bakarra eta, adituen iritzian, historiako boxeolari amateur onena izan zen.

Biografia

Alcides Segarraren esanetara sortu zen Kubatar Eskolako boxeolari onena izan zen, Roberto Balado eta Félix Savónekin batera. Munich 72, Montréal 76 eta Mosku 80 Olinpiar Jokoetako urrezko hiru dominez gainera (Kubak boikota egin zuen 1984ko Olinpiar Jokoetan, eta ez zuen parte hartu), hiru aldiz irabazi zuen afizionatuen munduko txapelketa, hamar aldiz Kubako txapelketa, urrezko domina bat irabazi zuen Panamerikar Jokoetan, zortzi aldiz atera zen txapeldun Erdialdeko Amerikako Txapelketetan, eta 72 borroka irabazi zituen nazioarteko lehiaketetan.

Guztira, 321 aldiz borrokatu zen, eta borroka horietatik 309 irabazi zituen. 1988an erretiratu zen, eta Kubako boxeolari-hautatzaile gisa lan egin zuen handik aurrera.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

↑ Stevenson kubatarra hil da, 60 urterekin. berria.eus (Noiz kontsultatua: 2015-09-11).^{[Betiko hautsitako esteka]}

Wikimedia Commonsen badira fitxategi gehiago, gai hau dutenak: Teófilo Stevenson

Datuak: Q508514
Multimedia: Teófilo Stevenson / Q508514

[1] Stevenson kubatarra hil da, 60 urterekin. berria.eus (Noiz kontsultatua: 2015-09-11).^{[Betiko hautsitako esteka]}

[1]