Uluru

Uluṟu
Uluṟu
Datu orokorrak
Garaiera	863 m
Prominentzia	348 m
Mota	inselberga
Geografia
Koordenatuak	25°20′42″S 131°02′10″E / 25.345°S 131.0361°E
Estatu burujabe	Australia
Mainland territory of Australia	Ipar Lurraldea
Babestutako-eremua	Uluṟu-Kata Tjuṯa National Park (en)
Mendizaletasuna
Lehen igoera	Ezezaguna.
Ohiko bidea	Australiako erdigunean dagoen Iparraldeko Lurraldean kokatzen da, Alice Springs hiritik 400 kilometro hego-mendebaldera Uluru-Kata Tjuta Parke Nazionalan.
Geologia
Material nagusia	Arkosa
Garaia	Neoproterozoiko

Uluṟu (Ayers Rock izenez ere ezagutua) Australiako Iparraldeko Lurraldean dagoen hareharrizko haitz erraldoi eta gorrixka bat da. Hain zuzen ere, Alice Springs hiritik 400 kilometro hego-mendebaldera kokatzen da. Kata Tjuta mendi multzoarekin batera Uluru-Kata Tjuta Parke Nazionaleko erakargune nagusiena da.

Australiako aborigenentzat leku sakratua da, 1987. urtea ezkeroztik Gizateriaren Ondare delarik. Munduaren Zilborra ezizenaz ere ezaguna da.

1873an William Gosse bertarartu zen lehenbiziko gizon zuria izan zen, Jamran izeneko bere gidalari afganiarrarekin gailurrera igo eta garai hartako Hegoaldeko Australiako lehen ministroaren izena ezarri ziolarik.

Deskribapena

Uluru Australiako mugarri natural ezagunenetariko bat da. 348m-ko altuera du, itsas mailatik 863m-ra dago, 9.4km-ko perimetroa du guztira eta bere masa gehiena lurpean dago.

Esanahi kultural handia du jatorrizko biztanleentzat (anangu herria). Hauek oinezko ibilbideak zuzentzen dituzte bisitariei bertako flora eta faunaren, zuhaixken janariaren eta aborigenen istorio onirikoen berri emateko.

Monolitoaren gainazala kolorez aldatzen da eguzki-izpien inklinazioaren arabera, bai egunean zehar, bai urtaro desberdinetan. Bereziki ospetsua da ilunabarrean egiten duen irudia, kolore gorri distiratsua hartzen duenean. Nahiz eta euria ez den oso ohikoa, aldi hezeetan, arroka zilar-grisaren tonuan egoten da, eta marra beltzak izaten ditu, ur-ibilguetan hazten diren algen eraginagatik.