Urs Freuler

Urs Freuler
Bizitza
Jaiotza	Bilten (en) , 1958ko azaroaren 6a (65 urte)
Herrialdea	Suitza
Jarduerak
Jarduerak	txirrindularia eta pistako txirrindularia
	Parte-hartzailea Frantziako Tourra ; 1985 UCI Road World Rankings (en) (30.); 1989 UCI Road World Rankings (en) (86.) ;
Pisua	85 kilogramo
Altuera	187 zentimetro
Jasotako sariak	ikusi Suitzako urteko kirolaria ;

Urs Freuler (Bilten, Glaris kantonamendua, 1958ko azaroaren 6a) suitzar txirrindulari ohia da, profesionala 1980 eta 1997 artean, 124 garaipen eskuratu zituena.

Kirol ibilbidea[aldatu | aldatu iturburu kodea]

Abiadura handiko txirrindularia izan zen, errepideko zein pistako lasterketetan parte hartu zuena. Pistan, keirin modalitatean bitan izan zen munduko txapelduna eta zortzitan puntukako proban; horretaz gain 21 Sei Eguneko lasterketak irabazi zituen. Errepidean, hainbat egun bakarreko lasterketa eta criterium irabazi zuen. 1980ko Olinpiar Jokoetan parte hartu zuen, taldekako jazarpen proban.^[1]

1981ean, Freuler babesle pertsonal baten pean lehiatzen ari zelarik, TI-Raleigh taldea berarekin harremanetan jarri zen, Frantziako Tourrerako taldea osatzeko arazoak izaten ari zirela eta. Orduko arauek txirrindulari talde batean ez ziren txirrindulariak kontratatzeko baimentzen zuten, eta aukera hori baliatuz, Freuler Tourerrako taldeari gehitu zitzaion. ^[2] Freuler, oraindik ere txirrindulari gaztea zenez eta neguko denboraldiko Sei Eguneko probentzako kontratuak zituelako, TI-Raleighen kirol zuzuendaria Peter Post eta Freuler ados jarri ziren lasterketa uzteko Alpeetara iritsi baino lehen ^[3] (mendiko etapetan parte hartzeko gai izan arren). Freuler, Jan Raas esprinterra ordezkoa izan zen eta TI-Raleighekin Tourreko bi taldekako erlojupekoetan baita 7. etapan ere gailendu zen, eta 15. etapan lasterketa utzi zuen. Geroztik, ez zuen berriro ere Frantziako Tourrean parte hartu. ^[4]

Freuler, bere ibilbideko zatirik haundienean Italiako taldeetan aritu zen, eta Italiako Giroan hainbat etapa eskuratu zuen 1982tik 1989ra. 1982an hiru etapa irabazi zituen, 1984an lau etapa eta 1985ean beste hiru etapa garaipen eskuratu zituen. Guztira 15 etapa poltsikoratu zituen Giroan eta Puntukako sailkapenaren maillota ere lortu zuen 1984an.

Palmaresa[aldatu | aldatu iturburu kodea]

Pista[aldatu | aldatu iturburu kodea]

Munduko Puntukako txapelduna (8): 1981, 1982, 1983, 1984, 1985, 1986, 1987 eta 1989an
Munduko Keirin txapelduna (2): 1983 eta 1985ean
Europako sprint txapelduna (1): 1981ean
Suitzako kilometroko txapelduna (4): 1981, 1983, 1986 eta 1987an
Suitzako Puntukako txapelduna (6): 1981, 1986, 1989, 1990, 1991 eta 1992an
Suitzako bakarkako jazarpen txapelduna (1): 1985ean
21 Sei Eguneko lasterketak 1981etik 1994ra, honako bikote hauekin: Patrick Sercu, Robert Dill-Bundi, Hans Känel, René Pijnen, Daniel Gisiger, Horst Schütz, Dietrich Thurau, Roman Hermann, Danny Clark, Olaf Ludwig, Remig Stumpf eta azkenik Carsten Wolf 1994an.