Dietrich Thurau

Dietrich Thurau
	; (2006) Irudi gehiago
Bizitza
Jaiotza	Frankfurt am Main, 1954ko azaroaren 9a (70 urte)
Herrialdea	Alemania
Familia
Seme-alabak	ikusi Björn Thurau;
Hezkuntza
Hizkuntzak	alemana
Jarduerak
Jarduerak	pistako txirrindularia eta txirrindularia
	Parte-hartzailea Frantziako Tourra ; 1977 Super Prestige Pernod (en) (9.); 1979 Super Prestige Pernod (en) (9.) ;
Jasotako sariak	ikusi German Sportspersonality of the Year (1977) ;

Dietrich Thurau (Frankfurt, 1954ko azaroak 9), ezizenez Didi, alemaniar txirrindulari ohia da, profesionala 1975 eta 1989 artean. Denbora horretan, 82 garaipen lortu zituen.

1970eko hamarkadaren hasieran, nabarmentzen junior eta zaletuen mailetan nabarmentzen hasi zen, pistako txirrindularitza probetan. Bere herrialdeko jazarpen probako txapelduna izan zen 1971 eta 1974an. Amerikar probako txapeldun izan zen 1973 eta 1974an. Iraupeneko txapelduna ere izan zen 1972an eta taldekako jazarpeneko munduko txapeldun 1974an (4. proba horren bakarkako bertsioan).

Txirrindularitza profesionalera pasa ondoren, Thurauk pistako probetan parte hartzen segitu zuen, nagusiki neguan, errepide txirrindularitzako egutegiaren amaieraz batera. 1975 eta 1976an berriz izan zen Alemaniako jazarpen probako txapelduna, eta 1982an amerikar probako txapelduna.

Hiru Itzuli Handietan lortu zituen etapa garaipenak, sailkapen nagusian postu onak ere lortzeaz batera. 1976ko Espainiako Itzulian 4. amaitu zuen eta 5 etapa irabazi. 1977ko Frantziako Tourrean bosgarren izan zen, gazteen sailkapena eta bost etapa irabazirik. 1979koan hamargarrena izan zen. 1983ko Italiako Giroan 5. amaitu zuen sailkapen nagusian.