Valentin Pavlov

Wikipedia, Entziklopedia askea
Hona jauzi: nabigazioa, Bilatu
Valentin Pavlov
Pavlov (grave).jpg
Sobietar Batasuneko lehen ministro

1991ko urtarrilak 14 - 1991ko abuztuak 22
Nikolai Ivanovitx Ryzhkov - Ivan Silayev
Bizitza
Jaiotza Mosku1937ko irailaren 27a
Herrialdea  Sobietar Errepublika Sozialisten Batasuna
 Errusia
Heriotza Mosku2003ko martxoaren 30a (65 urte)
Hobiratze lekua Pyatnitskoye cemetery
Hezkuntza
Heziketa Finance University under the Government of the Russian Federation
Hezkuntza-maila Doktor Nauk in Economicsa
Hizkuntzak errusiera
Jarduerak
Jarduerak politikaria eta ekonomialaria
Jasotako sariak
Kidetza Sobietar Batasuneko Alderdi Komunistaren Batzorde Zentrala
State Committee on the State of Emergency
Sinesmenak eta ideologia
Alderdi politikoa Sobietar Batasuneko Alderdi Komunista
http://vpavlov.su

Valentin Sergeievitx Pavlov (errusieraz: Валентин Сергеевич Павлов; Mosku, Errusia, 1937ko irailaren 27a - Mosku, Errusia, 2003ko martxoaren 30a) errusiar politikaria eta ekonomista izan zen. Moskuko Ekonomia Institutuan egin zituen ikasketak. Ekonomiari buruzko lan zientifikoak idatzi zituen, eta 1986an Sobiet Errepublika Sozialisten Batasuneko (SESB) Finantzetako ministrorde izan zen. 1989an Finantza Ministerioaren ardura bere gain hartu zuen, Nikolai Ryzhkoven gobernupean. Oposizioak herrialdean zegoen finantza-kaos handiaren erantzule zuzena izatea leporatu zion.

1991ko urtarrilean, SESBeko sobiet gorenak lehen ministro hautatu zuen, Mikhail Gorbatxovek hala proposatuta. Pavlov erabat lehendakariaren mendean zegoen gobernu bateko buru izan zen, eta ahalmen handiak eman zizkion Gorbatxovi. Handik gutxira, Legebiltzarrak ontzat hartu zuen krisiari aurre egiteko prestatu zuen plangintza: zerga-gastuak gutxitzea, jabegoaren pribatizazio-prozesua laguntzea, industria txikien eta denden sorrera sustatzea. Halaber, atzerritar enpresen inbertsioen alde egin zuen. Lehendakariari esan gabe, baina Defentsako ministroaren, Barne-ministroaren eta KGBko lehendakariaren babesa zuela, bere ahalak handitzeko eskaria egin zion Legebiltzarrari. Larrialdi Egoerarako Estatu Batzordean parte hartu zuen, 1991ko abuztuan, Gorbatxoven aurkako estatu-kolpean. Kolpeak huts egin zuen, eta Gorbatxovek kargutik kendu zuen bera. Saldukeriaz akusatu zuten, eta kartzelan sartu. 1994ko otsailean atera zen kartzelatik, 1991ko kolpeagatik edota 1993ko matxinadengatik kartzelan zeuden guztiak bezala, Dumak (Legebiltzarreko Behe Ganberak) emandako amnistiari esker.

Erreferentziak[aldatu | aldatu iturburu kodea]