Volker Schlöndorff

Wikipedia, Entziklopedia askea
Hona jauzi: nabigazioa, Bilatu
Volker Schlöndorff
MK35043 Volker Schlöndorff.jpg
Bizitza
Jaiotza Wiesbaden1939ko martxoaren 31
Herrialdea  Alemania
Familia
Ezkontidea(k) Margarethe von Trotta  (1971 -  1991)
Hezkuntza
Heziketa Institut des hautes études cinématographiques
Hizkuntzak frantsesa
ingelesa
alemana
Lanbidea
Lanbidea zinema zuzendaria, gidoilaria eta unibertsitateko irakaslea
Enplegatzailea(k) European Graduate School
Jasotako sariak
Kidetza Berlingo Arteen Akademia
Mugimendua New German Cinema
IMDb nm0772522
www.volkerschloendorff.com
Volker Schlöndorff.

Volker Schlöndorff (Wiesbaden, Alemania, 1939ko martxoaren 31) zinema-zuzendaria da.

Bizitza[aldatu | aldatu iturburu kodea]

Zinema-ikasketak Frantziako IDHEC eskolan egin zituen. Jean Pierre Melvilleren, Alain Resnaisen eta Louis Malleren laguntzailea izen zen. Robert Musilen eleberrian oinarritutako Der Junge Törless (1966, Törless gaztea) du bere lehen film luzea, Cannesko Zinemaldian saritua eta zinemaren ateak zabaldu zizkiona.

Oro har Schlöndorffen filmak bi sailetan bana daitezke: berak idatzitako historietan oinarritutako filmak eta idazle ezagunen eleberrietan oinarriturik egindakoak. Lehenengo sailekoak dira: Mord und Totschlag (1967), Der Plötzliche Reichtum der Armen Leute von Kombach (1970, Kombacheko behartsuen bat bateko aberastasuna), Strohfeuer (1971, Lasto sua), Die Moral der Ruth Halbfass (1972). Bigarren sailekoak ditu film gehienak, Heinrich Böllen, Marguerite Yourcenarren, Gunter Grassen, Prousten eleberrietan oinarrituak: Die Verlorene Ehre der Katharina Blum (1976, Katharina Blumen ohore galdua), Der Fangschuss (1976, Azken tiroa), Die Blechtrommel (1978, Latorrizko danborra), arrakasta handia izan zuen filma, Cannesko Zinemaldiko sari nagusia eta atzerriko filmari ematen zaion Oscar saria jaso zituena; Die Fälschung (1981, Faltsutzea), Eine Liebe von Swann (1983, Swannen maitasuna), Death of a Salesman (1985, Saltzaile ibiltari baten heriotza).

Filmografia[aldatu | aldatu iturburu kodea]

Zuzendutako filmak[aldatu | aldatu iturburu kodea]

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Volker Schlöndorff Aldatu lotura Wikidatan