Zante

Wikipedia(e)tik
Hona jo: nabigazioa, Bilatu
Zante
Ζάκυνθος
Zante hiriko ikuspegia
Zante hiriko ikuspegia
Geografia
Nomos Zakynthou.png
Kokalekua Jonikoa
Uhartedia Joniako uharteak
Azalera 410
Punturik garaiena Vrachionas 758
Administrazioa
 Grezia
Demografia
Biztanleria 45.650

Zante edo Zazinto (grezieraz: Ζάκυνθος, Zákynthos) Joniako uharteetako bat da, Greziakoa. Homerok Odisea-n aipatu zuen uhartea; beraz, ezaguna da antzinatik, eta hainbat kultura eta gobernuren mende egon izan da.

Geografia[aldatu | aldatu iturburu kodea]

Zante (Zakynthos) da hiriburua, eta 15.000 biztanle inguru ditu. Uharte osoa 409 km² inguru da, eta 2005. urtean 42.000 lagun inguru bizi ziren denera prefeturan. Kostaldeak 123 km ditu. Uharteko mendi altuena Vrachionas da, 758 m-koa.

Zantek klima mediterraneoa dauka. Uharteko hegoaldean lautada emankorrak daude; mendebaldea, ostera, menditsua da. Landaredi ugari dago; oliba-olioa, mahatsa eta zitrikoak ekoizten dituzte gehienbat. Famatuak dira hiriko dortokak, galtzeko arriskuan dauden Caretta caretta espeziekoak: gehienak Laganas badian bizi dira.


Datu klimatikoak (Zazinto (1961–1990))
Hila Urt Ots Mar Api Mai Eka Uzt Abu Ira Urr Aza Abe Urtekoa
Erregistraturiko tenperatura maximoa (°C) 20.2 21.4 24.2 25.6 34.2 35.8 42.2 38.4 36.8 30.4 26.6 22.2 42.2
Batez besteko tenperatura maximoa (°C) 14.4 14.5 16.1 18.9 23.4 27.8 30.7 30.6 27.6 23.0 19.0 15.8 21.8
Batez besteko tenperatura (ºC) 11.3 11.5 12.9 15.5 19.8 24.1 26.7 26.6 23.8 19.6 15.8 12.8 18.4
Erregistraturiko tenperatura minimoa (°C) -2.6 -2.0 0.0 2.6 5.0 8.4 12.0 13.4 10.8 5.2 2.8 0.2 -2.6
Batez besteko tenperatura minimoa (°C) 8.1 8.2 9.2 11.1 14.4 18.2 20.4 20.9 18.8 15.7 12.5 9.6 13.9
Pilatutako prezipitazioa (mm) 150.4 112.8 89.6 51.3 17.0 7.2 5.0 9.1 25.4 146.5 159.1 169.9 943.3
Prezipitazio egunak (≥ 1.0 mm) 12.8 11.3 8.2 6.1 2.5 1.1 0.5 0.9 2.8 8.1 11.0 13.2 78.5
Hezetasuna (%) 74.3 72.8 72.8 71.7 67.8 62.8 59.3 61.2 66.7 71.7 76.0 75.3 69.4
Iturria: NOAA[1]

Historian hainbat lurrikara bortitz jasan ditu; 1953an kalte asko izan ziren, eta 2006an ere izan ziren, baina indar gutxikoak.

Zante hiria[aldatu | aldatu iturburu kodea]

Sakontzeko, irakurri: «Zante (hiria)»

Ekialdeko itsasbazterrean kokatuta dago. Antzinako hiriaren arrasto gutxi dago: koloma batzuk eta zenbait inskripzio. Akropoliaren lekuan, gaur egun zutik dagoen veneziar gaztelu bat eraiki zuten.

1953. urtean lurrikara baten ondorioz (sutea ere izan zen) hiria suntsituta geratu zen, eta berreraiki egin behar izan zuten. Aipatzekoak dira Zanteko Arte Post-Bizantziarren Museoa, Liburutegia, osorik iraun zuen XVII. mendeko Agios Nikolas eliza, eta Agia Faneromi eta Aingeruen Amaren eliza.

Navagio badia

Ikustekoak[aldatu | aldatu iturburu kodea]

Navagio badia, Skinari lurmuturra eta Koba Urdina aipagarriak dira. Hondartzak ere badira; ezagunenak: Porto Limnionas, Porto Vromi eta Porto Zoro. Iturri bitxi bi daude Chieri badiako inguruetan: ur gasduna presio handiarekin irteten da; ur mineraleko beste iturri batzuk ere badira uhartean. Aipatzekoa da, halaber, Solomosi eta Kalvosi eskainitako Museoa ere aipatzekoa da.

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Zante Aldatu lotura Wikidatan