Zarauzko hondartza

Zarauzko hondartza
Ezaugarri orokorrak:
- Kokalekua	Zarautz
- Luzera	2.800 m
- Batez besteko zabalera	50 m
- Betetasun maila	Handia
- Urbanizatze maila	Handia
- Pasealekua	Bai
Hondartza mota:
- Hondar mota	Fina
- Bainuaren egoera	Lekuaren arabera
- Hondartza nudista	Bai
Kirolak:
- Surfa egiteko	Oso ona
- Urpekaritza	Bai
- Besterik	{{{beste kirolik}}}
Ingurumena:
- Landaredia	Bai
- Eremu babestua	Bai (Iñurritza)
- Bandera urdina	Bai
Segurtasuna:
- Arrisku seinaleak	Bai
- Hondartzaina	Bai
- Udaltzaingoa	Bai
- Sorosle taldea	Bai
Sarbideak:
- Elbarrientzat	Bai
- Sarbide mota	Pasealekuz
- Sarbide seinaleztatua	Bai
Bestelako informazioa:
- Taberna kopurua	20 +
- Kanpina	Bai
- Herrigunerako distantzia	0 m

Zarauzko hondartza euskal kostaldeko luzeenetakoa da, luzeena Hendaiakoaren atzetik, ia 3 kilometrokoa hain zuzen ere. Zarautzen (Gipuzkoa) kokatuta dago, eta udalerri guztian zehar luzatzen da. Bertan, mundu mailako kirol probak ospatzen dira urtero, hala nola, surfekoak, hondartza-futbolekoak eta uretako motorren Munduko Txapelketak.

Hondartza eta bere pasealekua, malekoia, turismoari eskainita daude; udan batik bat. Estatistiken arabera, abuztuko igande batean, Zarauzko hondartzan, 30.000 pertsona baino gehiago egoten dira. Bertako urak, nahiko arriskutsuak direnak, 30 sorosle, 2 erizain eta mediku batez zaindurik egoten dira ekainaren 1etik, urriaren 1era.

Malekoia

Hondartzaren gainean eta horren paraleloan luzatzen den pasealekuari "malekoia" deitzen zaio. Bertan, batez ere uda aldean hainbat ekitaldi antolatzen dituzte musika, antzerkia, kirola eta beste arlo batzuetan. Ostalaritza gune aktiboa da halaber urte osoan zehar, eta ekialdeko muturrean Karlos Argiñanoren jatetxe ezaguna dago kokatuta, Mendilauta auzoan. Desertu Txikia izenekoa zonalde honetan dago halaber.

Mendebaldeko muturrean, bestela, Zarauzko portua edo moila dago, Getariaranzko errepidearen ondoan. Alde hartan, nabarmentzekoa da Narros jauregia, XVI. mendekoa eta herriko eraikinik zaharrenetarikoa dena. XX. mendea arte malekoi aldean hainbat jauregi zegoen, batez ere aurreko mendean orduko aristokraziak eraikitakoak.

Iñurritza

Hondartzako ekialdean itsasoratzen da Iñurritza ibaia, eta honen itsasadarrak osatzen du Iñurritza biotopo babestua, Talaimendiren azpian eta Zarauzko Real Golf Klubarekin mugan, XX. mendearen hasieran sortutakoa. Biotopoa hegazti ugarik hartzen dute babesleku moduan. Itsas aldean, hondartzaren ekialdean dagoen lurmuturrak Mollarri izena dauka, antzineko kargalekua zena.

Zarauzko hondartza eta Iñurritza biotopo babestuaren ikuspegi panoramikoa, atzealdean, urrutira, Getaria eta San Anton mendia edo Getariko arratoia.

Ikus, gainera

• Euskal Herriko hondartzak
• Zerrenda:Zarauzko dunetako flora

Kanpo estekak

Euskarazko Wikipedian bada atari bat, gai hau duena: Gipuzkoa

• Zarauzko hondartzaren web kamera
• Zarautz Turismoa
• WiFi-a Zarauzko hondartzan

• Datuak: Q2881871
• Multimedia: Beach of Zarautz / Q2881871