Zebra
| Zebra | |
|---|---|
| |
| Sailkapen zientifikoa | |
| Klasea | Mammalia |
| Ordena | Perissodactyla |
| Familia | Equidae |
| Generoa | Equus |
| Azpigeneroa | Hippotigris H. Smith, 1841 |
| Banaketa mapa | |
 | |
| Datu orokorrak | |
| Kolorea | zuri eta beltz |
| Gizakiak ateratzen dizkion produktuak | zebra azal eta zebra-haragi |
Zebrak Afrikako ugaztunak dira, Equidae familiakoak, beren larru zuri-beltzengatik ezagunak. Marra horiek ezberdinak dira espezieko kide bakoitzarengan. Animalia taldekoiak dira, talde handietan bizi direnak edo haren txikietan. Zaldi eta astoak ez bezala, zebrak ez dira inoiz bezatuak izan.
Afrikako ekialdean eta hegoaldean bizi dira, sabana eta lautada zabaletan. Espezie ugariena zebra arrunta da.
Etimologia
[aldatu | aldatu iturburu kodea]Iberiar penintsulan bizi zen zaldi berezi baten izena enzebra edo zebro zen eta handik omen dator zebra izena. Euskal Herrian ere bizi izan zen, Zestoako Ekain leizeko margoek erakusten duten bezala. Dena dela, zaldi horren inguruan misterio handia dago oraindik.
Greziarrek zebrak ikusi zituztenean, hippotigris izena eman zioten, "zaldi tigre", alegia.
Taxonomia
[aldatu | aldatu iturburu kodea]Hiru zebra espezie daude: Equus zebra, Equus quagga eta Equus grevyi. Bi azpigenerotan banatuak izan dira: Hippotigris eta Dolichohippus. Lehenengo biak zaldi baten itxurakoak dira eta azkena asto baten antzekoa. Hala ere, ADNarekin eginiko analisien arabera talde monofiletikoa dira.
- Generoa: Equus
- Azpigeneroa: Hippotigris
- Zebra arrunta (Equus quagga)
- Equus quagga quagga (†)
- Burchell zebra, Equus quagga burchellii
- Equus quagga boehmi
- Equus quagga borensis
- Equus quagga chapmani
- Equus quagga crawshayi
- Mendi-zebra (Equus zebra)
- Zebra arrunta (Equus quagga)
- Azpigneroa: Dolichohippus
- Grevy zebra (Equus grevyi)
- Historiaurreko zebrak (iraungita)
- Azpigeneroa: Hippotigris
Kanpo estekak
[aldatu | aldatu iturburu kodea]
