Zirkuitu magnetiko

Zirkuitu magnetiko sinple baten egitura

Zirkuitu magnetikoa izango dugu, gailu baten eremu magnetikoaren indar lerroak, ibilbide itxi bat betetzen dutenean. Honen ekoizpenerako, material ferromagnetikoak erabiltzen dira, hauen iragazkortasun magnetikoa airearena edo espazio hutsarena baino askoz ere handiagoa delako eta ondorioz, eremu magnetikoa materialaren baitan; nukleoa izenekoa, geratzea ahalbidetzen duelako. Altzairu elektrikoa, iragazkortasun magnetiko bereiziki altua duen materiala da, beraz nukleoak ekoizteko oso egokia den materiala da.

Zirkuitu magnetiko sinple bat, eraztun bat edo toru bat material ferromagnetikoz eginaikoa da, eta korronte elektrikoa zirkulatzen duen harilketa batez inguratua. Harilketa edo bobinaketa hau, eraztunean fluxu magnetiko bat sortzen du; hurrengo formulak emanda:

$\Phi ={\frac {\mathcal {F}}{\mathcal {R}}}$

non $\Phi$ fluxu magnetikoa den, ${\mathcal {F}}$ indar magnetoeragilea (N espira kopurua bider I korrontea bezala definitzen dena: ${\mathcal {F}}=NI$) eta ${\mathcal {R}}$ erreluktantzia magnetikoa den, hurrengo formularen bidez kalkulatzen dena:

$R={\frac {l_{c}}{\mu A_{c}}}$

non $l_{c}$ zirkuituaren luzera den, metroetan neurtua, $\mu$ materialaren iragazkortasun magnetikoa; H/m -tan (henrio / metro) neurtua eta $A_{c}$ zirkuituaren sekzioaren azalera (nukleo magnetikoaren sekzioa, fluxuarekiko perpendikularra) metro karratutan.

Zirkuitu magnetikoak garrantzitsuak dira ingeniaritza elektrikoan , transformadoreak , motor elektrikoak , zirkuitu bihurgailuak, erreletak eta abar eraikitzeko oinarri teorikoak baitira.

Zirkuitu magnetiko motak

• Homogeneoak: substantzia bakarra, azalera uniformea eta indukzio bera jasaten dute ibilbide osoan zehar.

• Heterogeneoak: hainbat substantzia, azalera edota indukzio desberdinak, edo  kasualitatez izan daiteke berdinak izatea.

Zirkuitu elektrikoekin analogiak

Zirkuitu magnetikoen legeak formalki zirkuitu elektrikoen legeen  antzekoak dira,  baina zirkuitu magnetikoetan zirkulatzen duen materialik ez dago. Zirkuitu magnetikoen eta elektrikoen arteko analogia hau konplexutasun handiagoko zirkuitu magnetikoen fluxuen soluzio errazak lortzeko erabili daiteke. Hurrengo taulan zirkuitu magnetikoetan eta elektrikoetan modu analogoan jokatzen duten aldagaiak deskribatzen dira:

Zirkuitu magnetikoa	Zirkuitu elektrikoa
Indar magnetoeragilea	Potentzia aldea (tentsio elektrikoa edo tentsioa)
Fluxu magnetikoa	Korrontea
Erreluktantzia	Erresistentzia
Fluxu dentsitatea	Uneko dentsitatea
Iragazkortasuna	eroankortasun
Kitzikapen magnetikoa	Eremu elektrikoa

Zirkuitu magnetikoen ebazpena

Sistema enpiriko magnetikoa

Indukzio ezaguna, B, eremuaren intentsitatea,H, kalkulatu taulak erabiliz eta alderantziz.

$\epsilon =h_{1}*l_{1}+h_{2}*l_{2}+...+h_{n}*l_{n}$

non $h_{n}$ eremuaren intentsitate partzialak eta $l_{n}$ zirkuituko luzeera partzialak diren.

Prozesua:

• Atal bakoitzeko indukzioaren zehaztea.
•  l eta S ezagututa,  anper-biren zehaztea taula baten laguntzaz.
• Atal bakoitzeko  anper-bira partzialak kalkulatzea.
• Anper-bira totala kalkulatzea, anper-bira partzial guztiak batuz.

Sistema teorikoa

Fluxua ezagututa, indar magnetoeragilea kalkulatzea  ( ${\displaystyle }$)  eta alderantziz.

Suposatzen da material batek iragazkortasun koefiziente erlatibo konstantea duela. 

Baita ere kontzideratzen da zirkuitu magnetikoa heterogeneoa dela burdin-tartea existitzen denan; kasu honetan, airearen iragazkortasun koefiziente erlatiboa 1 da. 

Ikus, gainera

• Zirkuitu elektrikoa
• Magnetismoa

Kanpo estekak

• Datuak: Q118801