Abbe (aintzira)

Abbe (aintzira)
Abbe (aintzira)
	Gizateriaren Ondare
Datu orokorrak
Garaiera	243 m
Mota	salt lake (en)
Luzera	24 km
Azalera	320 km²
Sakonera	37 m
Bolumena	3 hm³
Geografia
Koordenatuak	11°10′N 41°47′E / 11.17°N 41.78°E
Hidrografia
Betebidea	ikusi Awash ibaia;
Arroaren azalera	64.000 km²

Abbe Etiopia eta Djibuti arteko mugan dagoen aintzira da. Afar eskualdean kokaturik dagoen aintzira gazi endorreikoa da^[1].

Geografia[aldatu | aldatu iturburu kodea]

Afarreko sakonunean dauden sei aintziretako bat da, gainerakoak Afambo, Bario, Gargori, Gummare eta Laitali dira. Sakonune endorreiko batean dagoenez Awash ibaiaren urak jasotzen ditu^[1] baina hustubiderik ez du. Klima lehorreko eskualdea denez uraren lurrunketan mantentzen du aintziraren ur maila^[2], 320 km²-ko azalera batazbeste eta 8'6 metortako sakonera duena. Azken urteetan Awash ibaiaren urak inguruko lursailak ureztatzeko ibili izan dira eta Abbe aintziraren maila jaisten hasi da.

Abbe aintzirako ura oso gazia da^[2] eta flamenkoak aurkitzea ohikoa izaten da, ur gazi horietan aurkitzen baitute elikagaia^[3].

Aintziran kareharrizko tximiniak aurkitzen dira, garaienek 50 metrotako altuera dute. Tximinia horietatik lurruna ateratzen da, izan ere aintzirako ur karbonatatua eta azpitik datorren fluido geotermalak bat egiterakoan sortzen baitira^[4].

Klima[aldatu | aldatu iturburu kodea]

Urte guztian jotzen du eguzkiak eta airea lehorra da. Hileroko tenperatura maximoak 30º eta 40º artean egoten dira eta minimoak 21º eta 30º artean. Prezipitazioak urriak dira eta batez ere udako hilabetetan kontzentratzen dira.

Datu klimatikoak (Lake Abbe, Djibouti)
Hila	Urt	Ots	Mar	Api	Mai	Eka	Uzt	Abu	Ira	Urr	Aza	Abe	Urtekoa
Batez besteko tenperatura maximoa (°C)	30.4	30.8	32.9	35.0	38.0	40.4	39.9	38.6	37.5	35.0	32.3	30.8	35.1
Batez besteko tenperatura minimoa (°C)	20.1	21.8	23.2	25.0	27.2	29.3	27.4	27.0	28.0	24.3	21.7	20.4	24.6
Pilatutako prezipitazioa (mm)	5	9	14	19	7	3	32	45	20	9	6	3	172
Iturria: Climate-Data.org, altitude: 251m^[5]