Abel Tasman

Wikipedia(e)tik
Hona jo: nabigazioa, Bilatu
Abel Tasman

Abel Janszoon Tasman (Lutjegast, 1603 - Batabia, 1659ko urriaren 10a) esploratzaile holandarra izan zen.

1624 eta 1644 artean egindako bidaiengatik famatua da, 'Vereenigde Oostindische Compagnieren zerbitzura (VOC - Ekialdeko Indietako Konpainia Holandarra) ibilitakoa.

Van Diemen irlara (gaur egun Tasmania gisa ezagutzen dena) eta Zeelanda Berrira heldu zen lehen europarra izan zen (1643an). Gainera, Australiako kosta zati handia baten mapak egin zituen. Bere lana, "Holanda Berria" bezala ezaguna zen lurralde bat (gaur egungo Australia) esploratzea izan zen, Terra Australisen zati zen inspekzionatu eta helburu komertzialekin kontinente berri bat aurki zezakeelakoan.

Horretarako, 1642 eta 1643 artean, Jakartako portutik atera zen bi itsasuntzirekin, "Heemskerck" eta "Zeehaen", eta Maurizio irletan geldialdia egin ondoren, inongo holandarrik izan ez zen latitudeetatik aurrera abiatu zen.

Tasmanen bidaiak.

Bide honetatik, Australia atzean utzi zuen oharkabean eta 1642an, Tasmaniako irla topatu zuen, berak "Van Diemenen Lurra" gisa bataiatu zuena (kolonizatzaile britainiarrek izena aldatuko zioten geroago). Ingurua ondo miatu ondoren, berriro itsasoratu eta ekialderago joan zen, Zeelanda Berria topatuz, berak "Staten Landt" deitu zuena eta Argentinaren hegoaldeko Estatuen Irlarekin lotuta zegoena uste zuena. Iparralderago joanez, Golden badia egonaldia egin zuten. Bertan, maori talde batek bere lau marinel akabatu zituzten, eta horregatik lekuari "hiltzaileen badia" deitu zion. Geroago Tonga irlak topatuko zituen 1643.

Bigarren bidaian, 1644ean, Ginea Berriko kosta jarraitu zuen ekialderantz eta hemendik Australiako kostak zeharkatu zituen. Bidai honetan inguruko lehen mapa marraztu zen.

VOC konpainiaren ikuspuntutik, Tasmanen esplorazioak dezepzionagarriak izan ziren, ez baitzuen ez merkataritzarako lur aberatsik ezta itsas bide berririk topatu. Mende oso batean zehar, James Cooken arora arte, Tasmania eta Zeelanda Berriak ez zuten europearren bisitarik jaso.

Abel Tasman Batabian (gaur egungo Jakarta) hil zen 1659an.

Commonsen badira fitxategi gehiago, gai hau dutenak: Abel Tasman Aldatu lotura Wikidatan