Albert Roussel
Albert Roussel (Tourcoing, Frantzia, 1869 - Royan, Frantzia, 1937) frantses musikagilea izan zen.
Biografia [aldatu]
Vincent d´Indyren ikasle izan zen Schola Cantorum-en eta geroago hango Kontrapuntu irakasle. Ikasle izan zituen Eric Satie eta E. Varèse. Lehenengo lanak inpresionismoaren eraginpean idatzi zituen, baina geroago ekialdeko musikan hartu zuen oinarri, txinatarrean, batez ere, eta baita indiarrean ere. Hala ere, tonalitateari lotu zitzaion eta ez zen ohiko moldeetatik aldendu.
Lan aipagarriak ditu, besteak beste: Le festin de l´araignée (1912, Armiarmaren oturuntza), Padmâvati (1914-1918) eta Bacchus et Arianne (1930), balletak; Evocations (1910-1911, Gogorazteak), koru-sinfonia; Pour une fête du printemps (1920, Udaberriko festa) poema sinfonikoa; ganbera-musika, pianorako lanak eta abestiak.
Erreferentziak [aldatu]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
