Alta Cerdanya

Wikipedia(e)tik
Hona jo: nabigazioa, Bilatu
Cerdanyako bi zatiak.
Alta Cerdanyaren kokapena departamenduko eskualdeen artean.

L'Alta Cerdanya Ipar Kataluniako eskualdea da, Cerdanya eskualdeko iparraldea. 1659ko Pirinioetako Hitzarmenaren ostean eskualde natural hau bi zatitan banatuta geratu zen eta harrezkero administrazioz Frantziaren mendean dago. Hitzarmenak Llívia eskualde honetako barrendegi moduan utzi zuen.

Alta Cerdanyako hiriburua Montlluís da[1] baina eskualdearen banaketatik 1790an departamenduak sortu arte Cerdanyako vegueriako hiriburua Sallagosa izan zen. Gaur egun, ordea, Font-romeu, Odelló i Vià da udalerririk populatuena eta beste aldetik Cerdanya osoko hiriburua den eta geografikoki kokapen zentrala hartzen duen Puigcerdà da eskualde osoarentzat gune nagusia, la Guingueta d'Ix, estatuen arteko mugaren beste aldean, berarekin bat eginda dagoela.

Geografia[aldatu | aldatu iturburu kodea]

Iparraldean Okzitania du, ipar-ekialdean Capcir, ekialdean Conflent, hegoaldean Ripollès eta Baixa Cerdanya eta mendebaldean Andorra.

Segre ibaiaren arroan dago; ibai hau Alta Cerdanyan jaiotzen da, Pic del Segreren iparraldeko isurian; beraz, azpieskualdeko urak Segre eta Ebroren bitartez itsasoratzen dira eta horrek Ipar Kataluniako gainontzeko lurrekiko desberdintasun geografiko nabaria markatzen du. Hain zuzen, iparraldeko beste eskualdeetara pasatzeko la Perxako mendatea gainditu behar da.

Ipar Kataluniako eski estazio gehienak Alta Cerdanyan daude.

Udalerriak[aldatu | aldatu iturburu kodea]

Udalerria Biztanleria[2]
Angostrina i Vilanova de les Escaldes 549
Bolquera 730
la Cabanassa 622
Dorres 219
Èguet 494
Eina 127
Enveig 621
Er 551
Estavar 409
Font-romeu, Odelló i Vià 2.003
la Guingueta d'Ix 1.166
Llo 133
Montlluís 270
Naüja 63
Oceja 1.282
Palau de Cerdanya 424
Planès 27
Porta 98
Portè 147
Sallagosa 820
Sant Pere dels Forcats 213
Santa Llocaia 140
Targasona 203
La Tor de Querol 367
Ur 308
Vallcebollera 49

Gogoan izan Llívia geografikoki Alta Cerdanya dela baina estatuen arteko hitzarmenean Espainiaren menpean geratu zenez Baixa Cerdanyan kokatzen dela.

La Cabanassa, Montlluís, Planès eta Sant Pere dels Forcats Alta Cerdanyan kokatu ohi dira eta hala egiten du Gran Enciclopèdia Catalanak; aldiz, Nomenclàtor toponímic de la Catalunya del Nord lanak [3] Conflenten sartzen ditu, la Perxako mendateak suposatzen duen muga naturalari men eginez.

Erreferentziak[aldatu | aldatu iturburu kodea]

Ikus, gainera[aldatu | aldatu iturburu kodea]

Commonsen badira fitxategi gehiago, gai hau dutenak: Alta Cerdanya Aldatu lotura Wikidatan


Ipar Kataluniako eskualdeak
Alta Cerdanya | Capcir | Conflent | Rosselló | Vallespir