Anne Etxegoien
| ||
| Datu pertsonalak | ||
|---|---|---|
| Jaio | 1980 | |
 Donapaleu (Nafarroa Beherea)
| ||
| Webgunea | http://www.anne-etchegoyen.com/ | |
Anne Etxegoien —frantses grafiaz Anne Etchegoyen— (Donapaleu, Nafarroa Beherea, 1980) Euskal Herriko abeslari bat da, euskaraz, frantsesez eta gaztelaniaz kantatzen duena.[1] Lau disko atera ditu: bi bakarlaritzat eta beste bi Aizkoa gizonezko koruarekin. Frantzian arrakasta handia izan du Le Chœur du Village («herriko abesbatza») telebista saioan aritu eta gero, non beste talde batzuekin abestu zuen saioaren 6 ataletan. 2012an eman zuen saioa France 3 telebista kateak.[2] Halere fama handia hartu zuen hiru aldiz la marseillaise frantses himnoa kantatu izan duelako, 2003an Parisen Atletismoko mundialetan, 2009an munduko saskibaloi txapelketetan eta 2010 ean Frantzia eta Argentinaren arteko errugbi partiduan Montpellieren.
Etxegoienen azken diskoa, Les Voix Basques, urrezko diskoa izan da Frantzian, 60.000 kopia baino gehiago saldurik. Kontzertuak egin ditu munduko beste hainbat herrialdetan ere, hala nola Argentinan, Ameriketako Estatu Batuetan, Ingalaterran, Irlandan eta Espainian. Orain bira bat egiten ari da Frantzian barrena, Basque eta Paz Tour izenekoa. Izenburu horretan bilduta daude kantatzean darabiltzan hiru hizkuntzak, bai eta Euskal Herrirako nahi lukeen bakearen ideia ere.[3]
Diskografia
Bakarlari
- 2008: Pachamama
- 2010: Adelante
Kolaborazioak
- 2005: Les voix célestes du Pays Basque chantent Noël
- 2013: Les voix basques
Erreferentziak
- ↑ (Ingelesez) «Anne Etchegoyen», BEO
- ↑ (Frantsesez) «France 3 fera chanter "Le Chœur du village"», Petits écrans, 2012-04-25.
- ↑ (Gaztelaniaz) José A. GUERRERO: «Anne Etchegoyen triunfa en Francia cantando en euskera», Diario Vasco, 2014-01-19.
Kanpo loturak
- (Frantsesez) Anne Etxegoien abeslariaren webgunea
| Autoritate kontrola |
|
|---|
Datuak: Q12253588
Multimedia: Anne Etchegoyen / Q12253588