Arnaga etxea

Arnaga etxea
	Monumentu historikoa
	Etxearen ikuspegia; Irudi gehiago
Kokapena
Herrialdea	Euskal Herria
Probintzia	Lapurdi
Herria	Kanbo
Koordenatuak	43°22′04″N 1°25′22″W / 43.3677°N 1.42268°W
Historia eta erabilera
Eraikuntza	1903 - 1906
Erabiltzailea	Edmond Rostand Museoa
Arkitektura
Arkitektoa	Albert Tournaire
Estiloa	Euskal estiloko arkitektura
Ondarea
Mérimée ID	PA00135195 eta MI006
Kontaktua
Helbidea	allées Edmond-Rostand
	Webgune ofiziala

Arnaga etxea Edmond Rostandek XX. mendeko hasieran Kanbon eraikitako etxea da. Egun etxea eta inguruko lorategia Udalarenak dira, Edmond Rostand museoaren egoitza izanik^[1].

Kokapena

Herriko erdigunetik urrun, Larresoroko bidean eta RD-932 errepidea jarraituz, etxea^[2] eta inguruko frantses lorategia daude.

Historia

Edmond Rostandek Kanbo lehendabizikoz bisitatu zuenean Etxegorria izeneko etxea alokatu zuen. 1901ean Académie françaiseko kide izendatu zutenean, Arnaga izeneko muinoan lursorua erosi eta 1903 eta 1906 artean etxea eraiki zuen. 1918an hil arte bertan bizi zen^[3].

1960an, Udalak etxea erosi eta Edmond Rostand museoa eratu zuen. 1995ean monumentu historiko bilakatu zen.

Ezaugarriak

Euskal estiloko baserri hau Albert Tournaire frantziar arkitektoak eraiki zuen. 600 m² azalera du. Bertan 40 gela inguru daude, Edmond Rostandek berak ingeles, txinatar, Inperio edo Luis XVI. estilotan diseinaturik.

Atearen aurrean honako hitzak ditu:

«

Toi qui viens partager notre lumière blonde

Et t'asseoir au festin des horizons changeants,
N'entre qu'avec ton cœur, n'apporte rien du monde
Et ne raconte pas ce que disent les gens.

Gure argi zuria partekatzeko zatozen hori
zeruertz aldakorren jaian jesartzeko
Zure bihotzarekin baino ez sartu, ez gehiago
eta ez esan jendeak dioena

»

Lorategiak 3 hektarea ditu. Bertan frantses eta ingeles lorategiak, pabilioiak, pergola eta orangerie bat daude^[4].

Edmond Rostandek Senperetik ekarri zituen haritz zahar batzuk.

Erreferentziak

↑ Forrier, Michel. (2006). Petite histoire d'Arnaga. Paue: Éditions Pyrémonde ISBN 2 84618 332 5..
↑ Mérimée datu-basea: villa Arnaga
↑ Chauvirey, Marie-France. (1994). La vie d'autrefois en Pays basque. Luçon: Éditions Sud Ouest ISBN 2 87901 219 8..
↑ Conservatoire des Jardins et Paysages

Kanpo loturak

Webgune ofiziala

Wikimedia Commonsen badira fitxategi gehiago, gai hau dutenak: Arnaga etxea

[1] Forrier, Michel. (2006). Petite histoire d'Arnaga. Paue: Éditions Pyrémonde ISBN 2 84618 332 5..

[2] Mérimée datu-basea: villa Arnaga

[3] Chauvirey, Marie-France. (1994). La vie d'autrefois en Pays basque. Luçon: Éditions Sud Ouest ISBN 2 87901 219 8..

[4] Conservatoire des Jardins et Paysages

[1]

[2]

[3]

[4]