Kanbo

Kanbo
Lapurdi
Kanboko eliza.
Izen ofiziala	Cambo-les-Bains
Estatua Eskualdea Departamendua Barrutia Kantonamendua	Frantzia Akitania Pirinio Atlantikoak (64) Baiona Ezpeleta
Alkatea	Bixente Bru (2008-2014)
Herritarra	kanboar
Koordenatuak	43°21′N 1°24′W
Eremua	22,49 km2
Garaiera	0-400 m
Distantzia	- km Baionara
Posta kodea	64250
INSEE kodea	64160
Biztanleria	5.671 bizt
Dentsitatea	252,16 bizt/km²
Sorrera	1790
www.cambo-les-bains.net http://www.cambo-les-bains.net/ www.cambo-les-bains.net

Kanbo Lapurdi barnealdeko udalerria da, 4416 biztanle zituen 1999. urtean eta Ezpeletako Kantonamenduan dago kokatua. Auzo nagusiak: Eliza, Behereko Kanbo, Olhassoure, Termak eta Basaburu. Errobi ibaiak zeharkatzen du udalerria. Bertako euskara nafar-lapurtera da.

Arnagako lorategiak

Dituen iturburuak ezagunak dira, bertan bainuetxe edo termak baitaude. Badira hamabi bainuetxe, 1.300 ohe eta zortzi hotel guztira. Beraz, zerbitzuen alorrean oinarritzen da ekonomia jarduera nagusia.

Geografia

Udalerri mugakideak

• Haltsu iparraldean
• Larresoro mendebaldean
• Itsasu, Luhuso eta Makea hegoaldean
• Hazparne ekialdean

Etxeak eta Auzoak

• Behereko Kanbo
• Basaburu
• Garaiko Kanbo

Historia

Olha-ko bizilekuan eginiko aurkikuntzek erakusten dutenez, historiaurreko garaietan baziren biztanleak Kanbon. Bertako urek dituzten berezitasunak ezagunak dira erromatarren garaitik. 1199ko dokumentu batean aipatzen da lehen aldiz Kanboko herria Sansa izenez (Azantzako jauretxetik ziurrenik). 1244an Tibalt I.a Nafarroako erregearen armadak oinetxe ugari suntsitu zituen herrian.

XVII. mendean Kanbo Beherea auzoan agoten kolonia bat bazen. Kanboraino artekoa zen aspaldidanik Errobi ibaiko ontzitarako tartea eta XIX. mendearen erdialdera arte erabili zen ibai-portua. XVII. mendeaz geroztik ospe handia izan dute Kanboko bainuetxeek eta errege-erreginak eta pertsona garrantzitsuak hurbildu ziren bertara XIX. eta XX. mendeetan.

Euskera

Gaur egun ikastola ("Errobi") eta bertso-eskola bana ditu herriak. Berezko euskalkia lapurtera da.

Ondasun nabarmenak

• Arnaga etxea: Edmond Rostand frantses antzerki idazleak eraikiarazi zuen etxe ikusgarria. Bertan 1906-1918 artean bizi izan zen eta Chantecler antzezlana idatzi. 1958. urtean Kanboko udalak erosi zuen Edmond Rostand museoa egiteko.
• Bainuetxea eta termak: estilo neoklasikoan eraikiak.

Biztanleria

Biztanleriaren eboluzioa

Alkateak

Alkatea	Agintaldia	Alderdia
Vincent Bru	1995-2001	UDF
Vincent Bru	2001-2008	UDF
Vincent Bru	2008-2014	DVD

Pertsonaia ezagunak

• Isaac Albeniz (1860-1909), musikagile kataluniarra bertan hil zen.
• Michel Labigerie iparraldeko politikari ezaguna, bertako auzapez izan zen aunitz urtez.
• Edmond Rostand idazle frantziarra.
• Pablo Tillac margolaria.

Kanpo loturak

• (Frantsesez) Kanboko webgune ez-ofiziala
• (Euskaraz)(Frantsesez)Errobi ikastola