Arnas-gutxiegitasun

Oharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.

Arnas-gutxiegitasuna oxigeno maila baxuegia agertzen den egoera klinikoa da, irizpide analitikoek definitzen dutena. Izan ere, odolean PaO2 < 60 mmHg ikusten dugunean diagnostikatzen da. Gainera, PaCO2 > 45 mmHg dagoenean arnas-gutxiegitasun hiperkapnikoa izena hartzen du, askotan egoera larriagoa dena.

Prozesu hau akutua edo kronikoa izan daiteke, eragilearen arabera. Akutua denean egoera oso larria izan daiteke eta are gehiago, potentzialki hilgarria.

Eragileak

• Arnas-aparatuaren asaldurak:
  • Asma
  • BGBK (Enfisema eta Bronkitis kronikoa)
  • Neumoniak
  • Pneumotorax eta toraxeko traumatismoak.

• Bihotz asaldurak:
  • Arritmiak
  • Bihotz-gutxiegitasuna

• Beste batzuk:
  • Intoxikazioak (farmakoak, drogak...).

Tratamendua

Eragileak identifikatzen eta tratatzen saiatu behar da lehenik eta behin, bai eta paziente larriak diagnostikatzen ere. Kasu hauek batzuetan aireztapen mekanikoa behar dute eta ZIU zerbitzu bereziaren sostengua.