Dibisa
Dibisa (latinetik divisa, divido aditzetik -zatitu) herrialde edo eskualde batean erabiltzen den diruari deritzo. Dibisak saleros daitezke, eta horretarako nazioarteko dibisen truke-merkatua dago. Merkatu horretan sortzen den dibisen trukaneurria edo balioa dibisa ezberdinen eskaria eta eskaintza zein diren erabakitzen da, baina dibisaren herrialdeko hazkunde ekonomikoa, inflazioa eta barne-kontsumoa bezalako parametroen mendean ere badago. Horrela, dibisen trukaneurri aldakorra izaten da, batzuetan aginte ekonomikoak dibisen balio finkoa ezar badezake ere.
Dibisen izendapena [aldatu]
Nazioarteko dibisa-merkatuan, dibisek izendapen estandar bat dute, bankuetan eta egunkari ekonomikoetan erabiltzen dena. Izendapena ISO 4217 arauak ezartzen du. Ondoren, gehien trukatzen diren dibisen izendapenak zehazten dira:
| Herrialdea | Dibisa | Izendapena |
|---|---|---|
| AEB | dolar | USD |
| Eurogunea | euro | EUR |
| Japonia | yen | JPY |
| Erresuma Batua | libera esterlina | GBP |
| Suitza | suitzar libera | CHF |
| Australia | australiar dolarra | AUD |
