Foru Batzordea
Foru Batzordea (gaztelaniaz: Consejo Foral) 1898 eta 1979 artean Nafarroako Foru Aldundiak izan zuen kontsultarako erakundea izan zen, egungo Nafarroako Parlamentuaren aurrekaria izan zena.
XIX. mendearen bukaeran zenbait proposamen izan ziren Nafarroako Foru Aldundiak kontuak emateko ordezkari zen erakunde sortzeko, nolabat jadanik desagertuak ziren Nafarroako Gorteak berpizteko. Hori zela eta, Aldundiak 1898ko uztailaren 16an Nafarroako Batzorde Administratiboa sortu zuen kontsultak egiteko. Nafarroako bost zergadun zergadun nagusiak, Agoitz, Tafalla, Tutera, Los Arcos, Lizarra, Uharte Arakil eta Iruñeko hauteskunde-barrutien udalen ordezkari bana eta zazpi barrutietako hamar zergadun nagusien artean zorteoz aukeratutako zergadunek osatzen zuten. Bere helburua “aurrekontuen sorreran, kontuen azterketan, herri-zorraren jaulkipenean, foruen gaiak eta Aldundiaren aburuz aholkularitza behar duten gai guztietan” parte hartzea zuen; gainera “honek (Aldundiak) emandako araudi eta arau orokorrak, Batzordearen bere lehendabiziko bileran izan behar dira aztergaiak”. Aldundiak 1901eko urriaren 16ren agindu bati esker, Batzordea berrantolatzeaz gain herri bozez aukeratutako ahaldun nagusi ohiek ere bertan parte hartzeko aukera zuten[1] XIX. mendearen
1925eko 1926ko urtarrilaren 15ean Aldundiak Batzorde Administratiboa sortu eta antolatzeko araudi berria eman zuen. Hona hemen bere eginbehar berriak: “Udal kudeaketa eta erregimenari buruzko Araudi, Agindu eta hitzarmen orokor guztiak ontzat ematea, baimen hori gabe ezin izango dute indarrean egon. Aldundiak ere Batzordearen txostenaren azpian jarriko ditu Udal aurrekontu eta kontuak, herri-zorraren jaulkipenean, foruen gaiak eta Aldundiaren aburuz aholkularitza berezia behar duten gai guztiak”.
Kanpo estekak[aldatu | aldatu iturburu kodea]
Datuak: Q3756835