Gimnastika
Gimnastika jarduera eta kirol bat da, indarra, malgutasuna, zalutasuna, koordinazioa, oreka eta dotoretasuna eskatzen dituzten ariketak egitean datzana. Nazioartean, gimnastikako kirol modalitate guztiak Gimnastikako Nazioarteko Federazioak gobernatzen ditu, eta Estatu bakoitzean erakunde bat izaten da, nazioarteko federazio horretako kide dena.
Eduki-taula |
[aldatu] Historia
Antzinako Greziako gazteen hezibidean gramatika, musika eta bereziki gimnastika landu ziren; Antzinako Erroman molde militarrak hartu zituen gimnastikak, eta garrantzi gutxi eman zitzaion. Gero baztertu egin zen erabat, eta XVIII. mendearen bukaera arte ez zen gimnastikarako zaletasuna berriro piztu; izan ere, aro modernoko bizimodu egonkorrak ez zion gizakiari gorputz neke askorik ematen, eta ondorioz gorputz ariketaren beharraz jabetu zen, gorputza eta osasuna zaindu nahi bazituen.
Gimnasia modernoa, anatomia eta fisiologia ezaupideetan oinarritzen den gorputz hezkuntza gisa ulertuta, Suedian eta Alemanian landu zen bereziki; handik mundu osora hedatu zen, eta gaur egun ohiko ikasgai da eskoletan, zenbait unibertsitatetan, armadan, eta abar.
[aldatu] Motak
- Suediar gimnastika delakoa 1860. urtean sortu zen, eta batere tresnarik erabili gabe egiten da.
- Gimnastika erritmikoa musikaren erritmoari jarraituz egiten da.
Bestelako gimnastika moldeetan, zenbait tresna erabiltzen dira: pisuak, barra horizontala, paraleloak, eraztun zintzilikatuak, jauzi-zaldia, eta abar.
[aldatu] Kanpo loturak
- (Euskaraz) (Gaztelaniaz) Euskal Gimnastika Federazioa
- (Ingelesez) (Frantsesez) Gimnastikako Nazioarteko Federazioa
 |
Artikulu hau zirriborroa da. Wikipedia lagun dezakezu edukia osatuz. |
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
