Gwynedd

Gwynedd
Estatua	Erresuma Batua
Probintzia	Gales
Hiriburua	Caernarfon
Biztanleria	118.400 biztanle
Azalera	2.548 km2
Webgunea

Gwynedd Galesko ipar-mendebaldean dagoen lurraldea da, galeserazko hiztunen portzentaiarik altuena daukana eta Plaid Cymru alderdi nazionalistak emaitza hoberenak lortzen dituen konderria.

2.548 km²-ko azalera dauka eta 2005ean 118.000 biztanle inguru zituen.

Caernarfon (26.957 biztanle) du hiriburu eta hiri nagusia. Beste hiri garrantzitsu bat Bangor dugu, unibertsitatea daukana.

Mugakideak

Iparraldean Ynys Mon, hegoaldean Ceredigion, ekialdean Conwy, Sir Ddinbych eta Powys eta mendebaldean Irlandako itsasoa mugakide ditu.

Histora

Gwyneddeko Erresuma antzinako lurraldea izan zen, V. mendetik aurrera garatu zena, Erromatar Inperioa jausi ondoren. XIII. mendera arte iraun zuen.

Galesera

Galeserazko lurralde nagusietakoa da, biztanleen %76a hiztun galeseradunak izanda. Caernarfon hiriburua herrialde osoan galeserazko hiztun gehien daukan hiria da.

Inguru naturala

Lurralde honetan kokatuta dago Snowdonia/Eryri izeneko mendigune eta Natur Parkea. Bertan, Snowdon/Yr Wyddfa (1.085 m) mendia dugu, Erresuma Batuko hegoaldearen tontorrik altuena dena. Anglesey uhartea eta Llŷn penintsularen ikuspegi ederrak ere aipagarriak dira.

Ondasun nabarmenak

Portmeirion, Llechweddeko kobazuloak eta Caernarfon, Penrhyn eta Harlech gazteluak ikusteko adinekoak dira, lehen aipatutako inguru naturalaz gain.

Politika

Gwynedd oso lurralde nazionalista da, Plaid Cymru alderdia tradizionalki garailea izanda bertan. Halaber, bertakoak dira zenbait alderdikide esanguratsu.

Pertsonaia ezagunak

• Kate Roberts (1891-1985), galeserazko idazlea.
• Marion Eames (1921-2007), galeserazko idazlea.
• John Ellis Williams (1924–), eleberrigile elebiduna.
• Alan Llwyd (1948-), galeserazko poeta.

Kanpo loturak

• (Galeseraz)(Ingelesez)Gwyneddeko webgune ofiziala