Hegoaldeko Rio Grande
Hegoaldeko Rio Grande[1] Brasilgo hegoaldean dagoen estatua da, Ozeano Atlantikoaren eta Uruguaiko eta Argentinako estatuen mugan. Bere mugak hauek dira: iparraldean, Santa Catarina estatua; mendebalean, Argentina (Misiones, Corrientes; Uruguay ibaiak eratzen du bi estatuen arteko muga); hegoaldean Uruguai; eta ekialdean, Ozeano Atlantikoa.
281.748 km2-ko azalera dauka eta 10.854.343 biztanle zituen 2005ean (38.9 biz./km2).
Porto Alegre hiriburua eta hiri nagusia da. Hiri nagusiak: Pelotas, Rio Grande, Caxias do Sul.
Orografia eta klima
Paranako goi-ordokia dago iparraldean (600-900 m gora). Geral eta itsasaldeko Mar mendiek hausten dute ordokia. Kostaldea pikatu samarra da iparraldean, Porto Alegre hiriraino. Hegoaldekoak lur behereak dira (450 m gora, gehienez), Jacui eta haren adarra den Taquari ibaien haranetan, eta itsasertzetik gertu aintzira handiak daude (Patos, Mirim)
Tenperatura 20 °C-koa da urtean batez beste, baina alde handiak dira zenbait eremutan, sasoien arabera. Euria, 1.300 mm urtean.
Historia
Europarrak iritsi zirenean tupi-guarani, ge eta guaycuru herriak bizi ziren lurralde hartan. XVII. mendean ekin zioten portugaldarrek kolonizazioari eta 1754. urtetik aurrera liskarretan ibili ziren portugaldar eta espainiar kolonizatzaileak lur haietaz jabetzeko asmoz. XIX. mendean, gerra zibilak izan ziren 1870 arte.
Ekonomia
Hegoaldeko Rio Grande Brasilgo nekazaritza lurralde garrantzitsuena da (garia, patata, artoa, soja, arroza, tabakoa, mahastiak). Porto Alegre da industria eskualde nagusia. Ikatz hobiak era badaude San Jeronimon, Jacui ibaiaren ertzean.
Pertsonaia ezagunak
- Ronaldo de Assis Moreira "Ronaldinho" (1980-), futbolaria.
Ikus, gainera
Kanpo loturak
Wikimedia Commonsen badira fitxategi gehiago, gai hau dutenak: Hegoaldeko Rio Grande |
- (Portugesez) Estatuko webgune ofiziala
Brasilgo estatuak | ||
---|---|---|
Acre - Alagoas - Amapá - Amazonas - Bahia - Ceará - Espírito Santo - Goiás - Hegoaldeko Rio Grande - Iparraldeko Rio Grande - Maranhão - Mato Grosso - Mato Grosso do Sul - Minas Gerais - Pará - Paraíba - Paraná - Pernambuco - Piauí - Rio de Janeiro - Rondônia - Roraima - Santa Catarina - São Paulo - Sergipe - Tocantins - Barruti Federala |
Artikulu hau Brasilgo geografiari buruzko zirriborroa da. Wikipedia lagun dezakezu edukia osatuz. |
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
- ↑ Euskaltzaindia. (2012-05-25). 170. araua: Amerikako toponimia. .