Homo heidelbergensis

Wikipedia(e)tik
Hona jo: nabigazioa, Bilatu

Filozoa

Homo heidelbergensis
Fosilaren garaia: Pleistozeno, 0,6 Ma-0,4 Ma

Sailkapen zientifikoa e
Erreinua: Animalia
Filuma: Chordata
Klasea: Mammalia
Ordena: Primates
Familia: Hominidae
Generoa: Homo
Espeziea: Homo heidelbergensis
Schoetensack, 1908

Homo heidelbergensis hominido espezie bat izan zen. Lehen aztarnak Alemaniako Heidelberg herritik gertu aurkitu zituzten. Gizakiaren eta Neanderthalgo gizakiaren arbaso hau duela 500.000 urte sortu eta duela 250.000 urte desagertu zen, hau da, Pleistozeno Erdian. Espezimen altuak (1,80 m) eta sendoak (105 kg) ziren, buru-hezur handiak (1.350 cm³) eta gaur egungo gizakiaren aldean nahiko lauak zituztenak.[1] Atapuercan aurkitutako aztarnen bidez deskribatu da, gehienbat, Homo heidelbergensisen anatomia.

Eboluzioa[aldatu | aldatu iturburu kodea]

Europako Neandertal espeziearen arbaso zuzen bat da, eta Homo sapiens espeziearekin antzekotasun handiak izan arren, gaur egun ezaguna da Homo heidelbergensis ez zela gizaki modernoen arbaso zuzena izan, Homo antecessorren eta H. nearderthalensisen artean existitu zen espeziea baizik.

Dieta[aldatu | aldatu iturburu kodea]

Homo heidelbergensisen dieta gehienbat haragijalea zen eta ehizan egiteko joera zuten. Honen arrazoia Europako klima zen, sei hilabetetan zehar klima oso hotza zenez, barazkiak eta fruituak ematen zituzten landareak ez zirelako hain ugariak.

Ezaugarriak[aldatu | aldatu iturburu kodea]

Homo heidelbergensisek gorputz sendoa zuten, altuagoak ziren H. antecessor baino, eta gizonezkoen batez besteko masa 100 kilokoa zen. Barailek indar eta sendotasun handia zuten, estres handiaren menpe baitzeuden.

Fosil hauen multzoak adierazten du hominido honek garezur "puztuago" bat zuela eta honen atzeko partea borobilagoa zela. Masailezurrak puztuak ziren, neandertalaren antzera baina benetan aurpegia zapalagoa zen. Homo heidelbergensisen garezurraren edukia ez zen gaur egungo gizakiaren oso desberdina, (1350 cm³). Homo sapiensekin beste antzekotasun bat bere ahoskuntza aparatua da, eta honek pentsatzera eraman ditu aditu asko, gizaki talde honetan hizkuntza agerian zegoela, baina ez zen gaur egungo hizkuntza bezalakoa.

Erreferentziak[aldatu | aldatu iturburu kodea]

Wikispezieetan informazioa gehiago aurki dezakezu: Homo_heidelbergensis
Commonsen badira fitxategi gehiago, gai hau dutenak: Homo heidelbergensis Aldatu lotura Wikidatan


Biologia Artikulu hau biologiari buruzko zirriborroa da. Wikipedia lagun dezakezu edukia osatuz.