Inekuazio

Inekuazioa, matematikan, adierazpen aljebraiko bat da, zenbakizkoa edo funtzionala, ekuazioaren berdintza ikurraren ordez, handiago (>) edo txikiago (<) desberdintza ikurra daramana. Ikurraren alde batean dagoen adierazpenaren balioa beste aldean dagoenarena baino handiagoa edo txikiagoa dela adierazten du.

Inekuazioetan zeinu hauek erabiltzen dira: >(baino handiagoa), <(&baino txikiagoa), >= (baino handiagoa edo berdina), <= (baino txikiagoa edo berdina).

Ekuazioak bezala, inekuazioak ebatz daitezke; adibidez, 2x + 1 >= 7 inekuazioaren ebazpena x >= 3 da, 3 zenbakia edo 3 baino zenbaki handiagoa jar baitaiteke x aldagaiaren ordez, inekuazioaren ezkerreko atalaren balioa 7 zenbakia edo 7 baino handiagoa izan dadin.