Ipar kanala

Wikipedia(e)tik
Hona jo: nabigazioa, Bilatu
Ipar kanalaren sateliteko ikuspegia. Ezkerraldean, Ipar Irlandako Fair Head lurmuturra eta Rathlin uhartea, eskubialdean berriz, Eskoziako Mull of Kintyre eta Sanda uhartea.

Ipar kanala[1] (ingelesez formalki North Channel, eta alternatiboki Straits of Moyle edota Sea of Moyle, eta irlanderaz eta Eskoziako gaeleraz Sruth na Maoile) Ipar Irlanda ekialdean eta Eskoziako hego-mendebaldean kokatuta dagoen itsasarte bat da. Itsasarte honek Irlandako itsasoa eta Ozeano Atlantikoa lotzen ditu. Zehatzago izatekotan, Eskoziako Mull of Kintyre eta Ipar Irlandako Fair Head lurmuturra eta Rathlin uhartearen arteko itsas eremua da.

Bere zatirik sakonena Beauforteko Dikea (Beaufort's Dyke) izenez ezagutzen da. Itsasartea hainbat ferry zerbitzuek zeharkatzen dute. 1953an Princess Victoria itsasontziaren hondamendi larriaren lekuko izan zen.

Hamarkada ugaritan zehar Ipar Irlandako buruzagi unionistek Ipar kanalaren azpitik trenbide bat gauzatu zedin Erresuma Batuko gobernua presionatzen jardun dute, Ipar Irlanda Erresuma Batuan hobekiago baterabildutzeko asmoz. 2007an Mugak Zeharkatzeko Ikerketa Zentruak (Centre for Cross-Border Studies) 34 kilometro luzera zuen trenbide lotura bat proposatu zuen, bai zubiz nahiz itsaso azpiko tunelez, guzti honen kostea 3.500 milioi libera inguruan egongo zelarik.[2]

Ikus gainera[aldatu | aldatu iturburu kodea]

Erreferentziak[aldatu | aldatu iturburu kodea]

  1.   Euskaltzaindia, Europako toponimia fisikoa, http://www.euskaltzaindia.net/dok/arauak/Araua_0159.pdf .
  2. http://news.bbc.co.uk/2/hi/uk_news/scotland/south_of_scotland/6958191.stm BBC News Scotland, 2007ko abuztuaren 22a