John Hersey
John Richard Hersey (Tientsin, Txina, 1914 - Key West, AEB, Florida, 1993) Estatu Batuetako idazlea izan zen.
[aldatu] Biografia
Txinan jaio eta han bizi izan zen 11 urtez. Kazetari gisa ibili zen gerra-lekuetan, eta giro hartatik atera zuen lehen eleberrirako gaia: A bell for Adano (1944). Pulitzer saria jaso zuen lan horrengatik. Kultura zenbaitetako pertsonen artean komunikazioa lortu beharraz ari da eleberrian. Gerraren gaiarekin lotuta daude nola edo hala hurrengo eleberriak ere: Hiroshima (1946), The Wall (1950, Varsoviako juduen erresistentziari buruzkoa), The war lover (1959).
Herseyren beste zenbait lan: A single pebble (1956), gaztetan ezagutu zuen Txinari buruzkoa; Under the eye of the storm (1967), The conspiracy (1972), The president (1975), The walnut door (1977), Aspects of the Presidency (1980), The Call (1985), Blues (1987), Life Sketches (1989), Fling and Other Stories (1990), Antonietta (1991), Key West Tales (1994).
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
