John Wesley
John Wesley (Epworth, Lincolnshire, Ingalaterra, 1703 - Londres, Ingalaterra, 1791) teologoa izan zen, metodismoaren aitzindaria.
1728an apaiztu zen, eta erruki-elkarte baten zuzendari izan zen Oxforden. 1735ean Ebanjelioaren Zabalkunderako Elkarteak Ipar Amerikara bidali zuen, amerindiarren eta kolonoen artean misiolari. Londresa itzuli zenean, ordea, morabiar misiolari baten eraginez Erreforma protestantearen iturrietara itzuli zen, eta harrezkero Ingalaterran ibili zen bere doktrina predikatzen. Ez zuen onartzen predestinaziorik; gizakia aske zela zioen, eta salbazioa lortzeko Jainkoagan soilik sinetsi behar zela zioen. Ez zuen Eliza Anglikanotik bereizitako elizarik antolatu, baina 1784an Elkarte Metodisten legezko estatusa finkatu zuen, eta bera hil ondorenerako plangintzak eginarazi zituen.
Erreferentziak [aldatu]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
