Jonathan Castroviejo
 |
||
| Datu pertsonalak | ||
|---|---|---|
| Izen osoa | Jonathan Castroviejo Nicolás | |
| Jaio | 1987ko apirilaren 27a | |
| Getxo (Bizkaia) | ||
Jonathan Castroviejo (Getxo, Bizkaia, 1987ko apirilaren 27a - ) euskal txirrindularia da.
Eduki-taula |
[aldatu] Taldeak
[aldatu] Amateurretan
Jubenil kategorietan, Punta Galea Getxo taldearekin korritu zuen. Bertan lortutako sari eta arrakasten ondorioz, Bizkaiko txirrindulari gazterik onenaren izendapena jaso zuen.
Amateuretan, Seguros Bilbao taldearekin parte hartu zuen beti, Xabier Artetxek zuzenduriko taldea berau. Bere lehen urtean, hau da, 2006ean, postu on batzuk lortu zituen, bere taldekide zen Beñat Intxaustiri lasterketa askotan postu bikainak egiten lagunduaz. Bigarren urtean, Seguros Bilbao taldeko buru izan zen (Beñat Intxausti profesional mailara pasa baitzen), eta emaitza benetan onak erdietsi zituen, Ereño, Laukiz, Bergara, Markina eta Euskadiko Erlojuaren Aurkako lasterketetan garaile izanez. Ondorioz, Lehendakari Saria irabazi zuen urte horretan, zeinek 21 urtez azpiko euskal txirrindularirik onena bereizten duen.
Amateurretan izandako ibilbide arrakastatsuaren ondorioz, Euskadi Fundazioak fitxatu zuen bere talderako. Talde honetan, lehendabizi Kontinental mailako Orbea taldean korritzen du, ondoren, maila izanez gero ProTour mailako Euskaltel-Euskadi taldera pasako delarik.
2009an, eginiko denboraldi bikainaren sari gisa, Etorkizuneko Tourrean parte hartu zuen, etapa batean garaile izatea lortuz. Sailkapen nagusiaren lehian, ordea, ezin izan zen sartu, lehen etapetan eroriko bat eduki baitzuen.
2011ko apirilaren 26an, Romandiako Tourreko aitzin-etapa irabazi zuen, erlojupean.
[aldatu] Profesionaletan
- Orbea (2008 - 2009)
- Euskaltel-Euskadi (2009 - gaur egun)
[aldatu] Palmaresa
2009
- Etapa 1 Tour Haut Anjouen
- Etapa 1 Ronde de l'Isarden
- Etapa 1 Etorkizuneko Tourrean
2011
- Etapa 1 Romandiako Touren
- Etapa 1 Madrileko Itzulian
