Jose Maria Gorordo
| Jose Maria Gorordo | |
|
|
|
|---|---|
| 1987 – 1995 | |
| Aurrekoa | Jose Luis Robles |
| Ondorengoa | Josu Ortuondo |
|
|
|
| Jaiotza | |
| Alderdi Politikoa | EAJ |
Jose Maria Gorordo Bilbao Bilboko alkatea izan zen (1987-1995). EAJ alderdiaren politikari bizkaitarra da. Bilboko Athletic Klubeko presidente izateko hautagaia ere izan zen 1994ean.
Ekonomia eta zuzenbide ikasketak egin zituen Deustuko unibertsitatean eta, 1977an Bilboko Merkataritza eta Industria Ganberako idazkaritzan hasi zen lanean. Euzko Alderdi Jeltzaleko kide zela, Euskal Irrati Telebistako (EITB) zuzendari nagusi izendatu zuten 1985. urtean eta bere ardurapean zabaldu zen Euskal Telebistako bigarren katea erdaraz, ETB2 (1986). Bere karrera politikoaren lehenengo urratsak EAJren baitan egin ondoren alderdi horretako kide zela iritsi zen Bilboko alkate izatera 1987an eta lehenagotik EITBko buru ere izana zen, besteak beste, jeltzaleek izendatuta 1990ean EAJrekin zuen harremana bertan behera gelditu zen.
EAJn egon arren, 1993. urtean ICV-EHE izeneko alderdi politikoa sortu zuen, eta 1995 eta 1999ko hauteskundeetara aurkeztu zen bost eta bi zinegotzi lortuz. Alderdi honek ez zeukan ideologia garbirik, eta EAJtik hurbil bazegoen ere, iritzi ezberdineko pertsonen botuak eskuratu zituen, alkateak udalaren kudeaketa ona egin izanaren fama zeukalako. Politika orokorrari dagokionez, Lizarrako itunaren sinatzaileetakoa izan zen Gorordoren ICV. 2000. urtearen hasieran, azkenik, gobernu akordioa hitzartu zuen EAJ eta EArekin Bilboko Udalean.
Alkate izan aurretik Deia egunkariaren zuzendari izan zen eta baita EITBko buru. Herri Kontuen Euskal Epaitegiko kide izendatu zutenean zinegotzi karguari uko egin zion. Gorordo Bilbo Euskal Autonomi Erkidegoko hiriburu ezartzearen alde azaldu izan da beti.
[aldatu] Ikus, gainera
| Aurrekoa Jose Luis Robles Kanibe |
 1987-1995 |
Ondorengoa Josu Ortuondo Larrea |
 |
Artikulu hau Euskal Herriko biografia bati buruzko zirriborroa da. Wikipedia lagun dezakezu edukia osatuz. |
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
