Kleopatra IV.a

Wikipedia(e)tik
Hona jo: nabigazioa, Bilatu

Kleopatra IV.ak, denbora laburrez gobernatu zuen Egiptoko erregina bezala, K. a. 116tik K. a. 115 arte, bere senar Ptolomeo IX.arekin batera. Ondoren, Siriako erregina ezkontidea izan zen.

Bere anaia Ptolomeo IX.a Latirorekin ezkondu zen K. a. 116an, eta hala iritsi zen Egiptoko elkargobernari izatera. Baina, postu altu honetan, hilabete gutxi batzuk baino ez zuen iraun, bere ama Kleopatra III.ak kanporatu baitzuen, Kleopatra Selene I.agatik ordeztuz.

Bere amarekin oso atsekabeturik, Kleopatra IV.ak Egiptotik ihes egin zuen, eta Ziprera joan zen, non armada handi bat bildu zuen eta beste anaia batekin, Ptolomeo X.a Alexandrorekin ezkontzea proposatu zuen. Baina honek, ez zuen ezkontzea onartu, eta, beraz, Kleopatra Siriara joan zen, non Antioko IX.a Eusebiok, bere armada handia ezkon ordain bezala onartu zuen, eta berarekin ezkondu zen.


Aurrekoa
Ptolomeo IX.a eta Kleopatra III.a
Egiptoko elkargobernaria Ptolomeo IX.a eta Kleopatra III.arekin
Ptolomeotar dinastia (K. a. 116-K. a. 115)
Ondorengoa
Ptolomeo IX.a eta Kleopatra III.a