Luistxo Fernandez
Datu pertsonalak | ||
---|---|---|
Izen osoa | Luis Fernandez | |
Jaio | 1966 | |
Eibar (Gipuzkoa) |
Luis "Luistxo" Fernandez Ostolaza (Eibar, Gipuzkoa, 1966 - ) kazetari, informatikazale, idazle eta blogari gipuzkoarra da. Euskara Interneten sartzeko eta bertan eduki zabalak sortzeko aitzindari eta eragile nagusietako bat dugu Luistxo Fernandez.
Bibliografia
Eibarko Ignacio Zuloaga ikastetxean ikasi zuen eta gero kazetaritza Euskal Herriko Unibertsitatean.
Euskaldunon Egunkaria-ko kazetaria izan zen 1990.etik, egunkaria sortu zenetik. 1996an Internet-i buruz arituko zen lehen atala sortu zuen egunkarian (Nabigatzen), eta modu esanguratsuan eragin zuen egunkarian Internet sakonago erabiltzeko (posta elektronikoa eta nabigazioa, garai hartan).
Ildo horretatik jarraituta Eibar.org elkartearen sortzaileetakoa izan zen, eta bertan dauka oraindik bere blog pertsonala. Aurki.com bilatzailearen, Sustatu Interneteko albistegiaren eta CodeSyntax enpresaren sortzaileetako bat ere izan zen. 2000. urteaz geroztik CodeSyntax enpresan bertan lan egiten du.[1] Zalantza barik, euskal internautarik emankorrenetarikoa eta aitzindaria dugu.
Eragile paper bera izan du geroago ere Twitter eta euskarazko txioak zabaltzeko. Twitterreko euskarazko jarduna neurtzeko Umap zerbitzuaren sortzailetako bat izan zen Luistxo Fernandez 2010ean CodeSyntax-en barruan.[2]
Lanak
Euskal komunitate zientifikoaren Inguma datu-basean, berak sorturiko 35 lan baino gehiago bildu dituzte.[3] Horien artean hauek:
Narrazioa
- Tetris Zutabeak eta lerro solteak (1995, Elkar)
- Kontaktua (1996, Elkar)
Saiakera
- Etxepare porno. Zibernetika euskalduntzeko metodoa (1998, Alberdania)
- Espainiako Gerra Zibila Euskal Herrian, Luis Fernandez Ostolaza, Josu Chueca Intxusta. (1997, Euskaldunon Egunkaria)
- Euskararen espazioa informazioaren autobidean (1997, Jakin)
Elkarrizketa
- "Luistxo Fernandez", Fermin Etxegoienen Eutsiko diogu? liburuan. Donostia, Erein, 2014. ISBN: 9778497468824.
Ingeles hilerria
"Ingelesen hilerria" Luistxoren blog pertsonala da, hirueleduna hasieran (akaso bakarra ezaugarri honekin euskal blogosferan), euskaraz, ingelesez eta gaztelaniaz idatzita baitzegoen. Gaur egun, bakarrik lehen bi hizkuntzetaz eginda dago.
El mapamóvil
"El mapamóvil" da Fernandezen gaztelaniazko bloga gaur egun.
Kanpo loturak
- Luistxo Fernandez literaturaren zubitegian
- @Luistxo kontua Twitter-en
- Luistxo Fernandez-en ekarpenak Sustatu Interneteko albistegian
- (Ingelesez) Ingelesen hilerria
- (Gaztelaniaz) El mapamóvil
- Denak sarera orain! Jarrera lotsagabea ezinbestekoa da elkarrizketa Argia aldizkarian (Fermin Etxegoien, 2008-08-03)
Erreferentziak
- ↑ Euskaldunon Egunkaria, 20 urte Interneten (eta ni ere bai, bide batez) Sustatu Interneteko albistegia (Luistxo Fernandez, 2015-12-28)
- ↑ Luistxo eta Umapen tripak Sustatu Interneteko albistegia (CodeSyntax, 2010-11-18)
- ↑ Luis Fernandez Ostolazaren produkzioa Inguma datu-basearen arabera (>35 produktu).