 |
|
| URL helbidea | http://www.twitter.com |
|---|---|
| Komertziala? | Bai |
| Webgune mota | Microblogging |
| Erregistroa | Bai |
| Hizkuntza(k): | Hizkuntza anitzekoa |
| Jabea | Obvious, LLC |
| Egilea | Obvious, LLC |
| Argitalpen data | 2006ko uztaila |
| Egoera | Aktiboa |
Twitter gizarte-sare eta microblogging zerbitzu bat da, erabiltzaileei testu soileko mezuak bidaltzea ahalbidetzen diena, 140 karaktereko gehienezko luzerarekin. Mezuak bidaltzeko, SMSak, bat-bateko mezularitza, Twitterren webgunea edo hainbat aplikazio (adibidez, Twitterrific) baliatzen dira. Twitterren erabiltzaileari tuiterlari deritzo; eta mezuak euskaraz bidaltzen dituenari, euskal tuiterlari.[1]
Mezuak tuiterlariaren profilean erakusten dira, eta jasotzeko aukera hautatu duten beste tuiterlariei ere bidaltzen zaie. Jatorrizko tuiterlariak mezu hauek berak aukeratutako lagunei soilik bidaltzea aukera dezake, edo tuiterlari guztien eskura jarri.
Euskal tuiterlariak, 2013ko apirilaren bukaeran, 5.500-6.500 ziren. 2010. urtean, berriz, 500 tuiterlari inguru zebiltzan euskaraz. Benetako eztanda 2011-2012 bitartean gertatu zen. Gizarte sare bazterrekoa izatetik, gutxienez ezagun izatera igaro zen, eta 2012ko udarako UMAPek berak 3000 inguru euskal tuiterlari zituen bere datu-basean. Ziurrenik gehixeago ere izango ziren. Geroztik, euskal tuiterlarien kopuruak etengabe egin du gora.[1]
Erreferentziak[aldatu]
- ↑ a b «Zenbat euskal tuiterlari gara?», Umap.eu webgunea, 2013-05-02.
