Maracaiboko aintzira

Wikipedia(e)tik
Hona jo: nabigazioa, Bilatu
Maracaiboko aintzira
(Gaztelaniaz) Lago de Maracaibo
Lago de Maracaibo.JPG

Satelite bidezko fotografia

Lake Maracaibo map.png
Kokalekua Venezuela
Garaiera 0 m
Eremua 13.210 km²
Gehienezko sakonera 60 m
Arroa 13,210 km²
Betebidea 135 ibai, nagusiak: Chama, Zulia eta Catatumbo,
Hustubidea Venezuelako golkoa
Hiriak Maracaibo, Cabimas

Maracaiboko aintzira[1] Venezuelako ipar-mendebaldean —Zulia estatuan— dagoen ur gaziko aintzira da. Iparraldeko muturrean dagoen 55 kilometroko itsasarteak Venezuelako golkoarekin lotzen du eta ibai askok dute ahoa aintziran; handiena Catatumbo ibaia da. Hego Amerikako aintzirarik handiena da, 13.210 km² baititu, eta munduko zaharrenetariko bat. Itsasoarekin hain lotura handia duenez, golkotzat ere har liteke, baina oro har aintziratzat hartzen da, eta arrasto geologikoek erakusten dute guztiz aintzira izan zela iraganean.

General Rafael Urdaneta zubia munduko luzeenetarikoa da, eta Maracaibo hiriaren komunikabideetako bat

155 km da luze, lekurik zabalenean 120 km da zabal, eta gehieneko sakontasuna 30 m-koa du. Mendiek inguratzen duten sakonune batean dago. Antillak eta Venezuelako golkoa lotzen ditu. Petrolio asko du. Alonso de Ojedak aurkitu zuen 1499an. Maracaiboko aintziraren ertzetan daude Hego Amerika guztiko petrolio hobi aberatsenak.

Maracaiboko aintziraren gainetik eraikitako General Rafael Urdaneta zubia (8,7 km luze; 1962an eraikia), munduko zubi luzeenetariko bat da.

Aintzirako biztanle batzuk oraindik bere uren gainean bizi dira, palafito izeneko eraikinetan.

Historia[aldatu | aldatu iturburu kodea]

Aintziraren eskualdeko lehendabiziko biztanleak Goajiro tribukoak ziren, Arawakan familiako hizkuntzaz aritzen dutenak.

Aintzira aurkitzeko lehenengo europarra Alonso de Ojeda zen, 1499ko abuztuaren 24an, Ameriko Vespuziorekin bidaiatzen ari zela. Maracaibo hiria aintziraren mendebaldeko kostan 1529an sortu zuten.

1823ko uztailean, Maracaiboko aintzirako gudua izan zen, Venezuela bere independentzia lortzeko gerran.

Erreferentziak[aldatu | aldatu iturburu kodea]

Koordenatuak: 10°39′0″N 71°36′0″W / 10.65000°N 71.60000°W / 10.65000; -71.60000

Commons-logo.svg
Commonsen fitxategi gehiago dago honi buruz:
Maracaiboko aintzira