Mein Kampf
Mein Kampf | |
---|---|
1926–1927ko edizioa | |
Datuak | |
Idazlea | Adolf Hitler |
Argitaratze-data | 1925 |
Generoa | Autobiografia, Politika |
Jatorrizko izenburua | Mein Kampf |
Hizkuntza | Alemana |
Argitaletxea | Franz Eher Nachfolger (en) |
Herrialdea | Alemania |
Orrialdeak | 720 |
Mein Kampf (euskaraz, Nire borroka) Adolf Hitlerrek idatzitako liburua da, nazionalsozialismoaren ideiak adierazten dituena.
Izenburua
Hitlerrek berez aukeratutako izenburua hauxe izan zen: Viereinhalb Jahre (des Kampfes) gegen Lüge, Dummheit und Feigheit, hots, "Gezurren, ergelkeriaren eta koldarkeriaren aurkako (borrokazko) lau urte eta erdi". Hala ere, argitaletxeko buru Max Amannek Mein Kampf izenburu laburragoa proposatu zion[1].
Atalak
Liburua bi liburukitan argitaratu zen. Lehenengoa 1925ean agertu zen, "Atzera begiratzea" izenburuaz, eta atalburuak honako hauek dira:
- I. atalburua: Ama-supazterrean
- II. atalburua: Nire bizitzaren esperientziak Vienan
- III. atalburua: Vienako egonaldiaren garaiari buruzko hausnarketa politikoak
- IV. atalburua: Munich
- V. atalburua: Mundu-Gerra
- VI. atalburua: Gerra garaiko iragarkiak
- VII. atalburua: Iraultza
- VIII. atalburua: Nire jarduera politikoaren hastapena
- IX. atalburua: Langileen Alemaniar Alderdia
- X. atalburua: Hondamenaren arrazoia
- XI. atalburua: Naziotasuna eta arraza
- XII. atalburua: Langileen Alemaniar Alderdi Nazionalsozialistaren garapenaren lehenengo aldia
Bigarren liburukia 1928an agertu zen, "Mugimendu Nazionalsozialista" izenburupean. Atalburuak honako hauek dira:
- I. atalburua: Mundu-ikuskera eta Alderdia
- II. atalburua: Estatua
- III. atalburua: Jopuak eta hiritarrak
- IV. atalburua: Estatuaren ikusmolde arrazista eta nortasuna
- V. atalburua: Mundu-ikuskera eta antolakuntza
- VI. atalburua: Gure lehenengo garaietako borroka, oratoriaren garrantzia
- VII. atalburua: Fronte Gorriaren aurkako borroka
- VIII. atalburua: Indartsua indartsuagoa da bakarrik dagoenean
- IX. atalburua: SA-ren xedeari eta antolakuntzari buruzko oinarrizko ideiak
- X. atalburua: Federalismoaren mozorroa
- XI. atalburua: Iragarkiak eta antolakuntza
- XII. atalburua: Langileen sindikatuen arazoa
- XIII. atalburua: Gerra ondoko Alemaniaren politika aliantzista
- XIV. atalburua: Ekialdearekiko orientatze politikoa
- XV. atalburua: Legezko babesaren eskubidea.
Osteko urteetan eta gaur egun, bi liburuki hauek liburu bakarrean argitaratu dira.
Mein Kampf liburutik, Estatu arrazista, Hitlerren arabera
<<Estatu arrazistaren azken helburua jatorrizko arrazako kideak iraunaraztea da, arraza horrek sortzen baititu edertasuna eta goi mailako gizateriaren balioa. Estatu arrazistak prestatze eta hezkuntza lana burututa edukiko du ardurapean dituen gazteen bihotzean arrazaren espiritua eta sentimendua grabatutakoan. Ezinbestekoa da neska zein mutil batek berak ere eskola ez uztea odol garbitasunari buruzko irakatsiak ondo bereganatu barik (...). Alemaniako Reichak, Estatu moduan, aleman guztiak besarkatu behar ditu eta bere helburua jatorrizko arraza elementu preziatuenak gordetzea ez ezik nagusigora astiro eta sendo eramatea izango da (...) Behe mailako gizakiak izatea beharrezko baldintza izan da beti goi mailako zibilizazioak sortzeko (...). Estatu arrazistaren kanpoko politikak Estatu hori besarkatzen duen arrazari irauteko baliabideak ziurtatu behar dizkio, berezko bizi erlazioa osasuntsua ezarririk bere biztanleriaren hazkundearen eta okupatzen duen lurraren kalitatearen artean (...). Lur eremu nahi zabalak baino ezin dio herriari bere bizitzaren askatasuna bermatu (...).>>
Antisemitismoa eta espansionismoa, lehengo liburukia (1924)
<<Lurralde nahiko zabala izatean baino ez dio bermatzen herriari bere bizitzaren askatasuna (...). Mendeetan iraun zuen Errusiak bere goi esferetako germaniar nukleoari esker (...). Ordez juduak ezarri dira; errusiar herriak ezin du israeldar uztarria bere kabuz astindu baina juduak, ordea, gauza dira epe luzean errusiar organismo erraldoia euren menpean izateko (...). Ekialdeko erraldoia helduta dago goitik behera jausteko. Eta Errusiaren gaineko juduen menpekotasuna Errusiako estatuaren amaiera izango da era berean. Gure teoria arrazistaren egiaren frogarik indartsuena izango den hondamendiaren lekuko izateko predestinazioa dugu.>>
Bigarren liburukia, 1925-1927. urteetan egina
<<Giza arraza hiru kategoriatan bereiziko bagenu —kultura sortzen dutenak, hari eusten diotenak eta suntsitzen dutenak—, arraza arioa soilik izango litzateke lehen kategoria horretakoa. (...). Odola nahastu izanak eta arioek berezkoa duten arraza-maila hori zaindu ez izanak eragin du antzinako zibilizazioen erorialdia. Gerra bat galtzea ez da gizadia hondatzen duen arrazoia; aitzitik, arrazari soilik dagokion erresistentzia-gaitasuna galtzek eragiten du hondamendia (...). Arioaren aurkakoa judua da. Nekez aurki daiteke munduan halako naziorik, norberaren kontserbazioaren sena hainbeste garatu duenik, "herri hautatua" baino. Horren frogarik onena da oraindik ere arraza hori badela. Alemaniako hondamendiaren zergatiak aztertzen baditugu (aurreko gerran), ohartuko garta haren qazken arrazoi erabakigarria hau dela: arrazaren arazoa ulertu ez izana; bereziki, juduen mehatxua.>>
Ikus, gainera
Wikimedia Commonsen badira fitxategi gehiago, gai hau dutenak: Mein Kampf |
- ↑ Richard Cohen: "Guess Who's on the Backlist"The New York Times 1998