Mendebaldeko Mendikatea (Kolonbia)

Wikipedia(e)tik
Hona jo: nabigazioa, Bilatu
Mendebaldeko mendikatearen kokapena

Mendebaldeko mendikatea[1] (gaztelaniaz: Cordillera Occidental) Kolonbiako Andeetako hiru mendilerro paraleloetako bat da. Hegoalde-iparralde norabidean, Nudo de los Pastosetik (Nariño departamendua) Nudo de Paramilloraino (Antioquia eta Córdoba departamenduak) luzatzen da. Hemen hiru mendilerrotan banatzen da: Ayapel, San Jerónimo eta Abibe. 1.200 kmko luzeran Nariño, Cauca, Valle del Cauca, Risaralda, Chocó, Antioquia eta Córdoba departamenduak zeharkatzen ditu[2].

Farallones de Cali

Mendikatearen batez besteko garaiera 2.000 metrokoa da. Mendi gorenak Farallones de Cali eta Cerro Tamaná dira (4.100 m). Puntu beherena Patía ibaiak gurutzatzen duen Hoz de Minamá arroilan dago (380 m).

Mendikatearen mendebaldea Pazifikoko isurialdekoa da eta San Juan da ibai nagusia. Ekialdea Cauca ibaiaren arrokoa da. Iparraldea eta ipar-mendebaldea Karibeko isurialdekoak dira eta aipagarrienak Sinú eta Atrato ibaiak dira. Azken honek Mendebaldeko Mendikatea eta Baudó mendilerroa bereizten ditu.

Erreferentziak[aldatu | aldatu iturburu kodea]

  1.   Euskaltzaindia (2012-05-25), 170. araua: Amerikako toponimia, http://www.euskaltzaindia.net/dok/arauak/Araua_0170.pdf .
  2. Todacolombia.com: Cordillera Occidental

Ikus, gainera[aldatu | aldatu iturburu kodea]

Koordenatuak: 5°00′N 76°00′W / 5.000°N 76.000°W / 5.000; -76.000