Molotov-Ribbentrop ituna

Wikipedia(e)tik
Hona jo: nabigazioa, Bilatu
Molotov ituna sinatzen ari dela, Ribbentrop eta Stalin bere atzean daude.

Molotov-Ribbentrop ituna, Alemania-Sobietar Batasuna Ituna[1] edo Alemaniaren eta Sobietar Batasunaren arteko Ez Erasotzeko Ituna[1] Alemania naziak eta Sobiet Batasunak hitzartutako akordioa da, elkarren kontra ez erasotzeko. Bi herrialdeetako Kanpo Aferetako ministroek, Alemaniako Joachim von Ribbentrop eta Sobiet Batasunako Viatxeslav Molotovek sinatu zuten, Moskun, 1939ko abuztuaren 23an, Bigarren Mundu Gerra piztu baino lehentxeago. Elkarri ez erasotzeko proposamenak ez zuen luze iraun, harik eta 1941eko ekainaren 22an Bizargorri Operazioa abian jarri zen arte, non Alemaniak Sobiet Batasunari eraso egin zion[2].

Itunak protokolo sekretu bat ere bazekarren. Horretan, Finlandia, Estonia, Letonia, Lituania, Polonia eta Errumania herrialde neutralen berrantolaketak lurralde eta politika mailetan aipatzen ziren espreski. Horrela, 1939ko irailaren 1ean Alemaniak Polonia inbaditu zuelarik, sobietar osteak ere sartu ziren herrialdean. Muga Mendebaldeko Bug ibaian ezarri zuten. 1939ko azaroan, berriz, SESBek Finlandiari eraso egin zion eta Kareliako istmoa beretu zuen. 1940ko ekainean Stalinek Herrialde Baltikoak anexionatu zituen[2].

Nazien eta sobietarren arteko itun sekretua[aldatu | aldatu iturburu kodea]

1. Baltikoko estatu eremuetan (Finlandia, Estonia, Letonia eta Lituania), lurralde-eta politika-egokitzapen bat eginez gero, Alemaniaren eta SESBen eragin-eremua Lituaniako iparaldeko mugak ezarriko du. (...)

2. Poloniako estatuko eremuetan lurralde-eta politika-egokitzapen bat eginez gero, Alemaniaren eta SESBen eragin-eramua Narew, Vistula eta San ibaiek mugatuko dute. (...)

3. Europako hego-ekialdeari dagokionez, SESBek adierazi nahi du Besarabia interesatzen zaiola. Alemaniak adiezazten du ez duela inolako interes politikorik eremu horietan.

4. Protokolo hau guztiz sekretupean tratatu beharko dute alde biek.


Mosku, 1939ko abuztuaren 23an Alemaniako Reicheko gobernuko ordezkaria, Von Ribbentrop; SESBeko gobernuko guztiahalduna, V Molotov.

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Molotov-Ribbentrop ituna Aldatu lotura Wikidatan