Ralph Waldo Emerson
Ralph Waldo Emerson (*1803ko maiatzaren 25a, Boston, - †1882ko apirilaren 27a, Concord) idazle, filosofo eta poeta estatubatuarra izan zen.
Tradizio eta sistema dogmatiko ororen etsai, joera indibidualista panteismo mistikoaz lotu eta transzendentalismo deituriko erlijiozko filosofia sortu zuen (Natura, 1836). Hizlari bikaina, 1837. urtean Harvardeko unibertsitatean eman zuen hitzaldia amerikarren independentzia intelektualaren aldeko adierazpentzat hartu izan da. Europako tradizioak alde batera uztearen aldekoa zen, eta izaera berezi batez hornitu nahi izan zuen Estatu Batuetako gizarte berri hura. Idazle argia eta esaneko gizona izaki, esklabotasunaren kontrako agertu zen. Nietzscherengan ere eragina izan zuen.
Berak esanak [aldatu]
"Gure boterea mugatzen duen orori deitzen zaio patu".
Erreferentziak [aldatu]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
