Sergei Belov

Sergei Belov
	; Irudi gehiago
Bizitza
Jaiotza	Q16017074 , 1944ko urtarrilaren 23a
Herrialdea	Sobietar Errepublika Sozialisten Batasuna ; Errusia
Heriotza	Perm, 2013ko urriaren 3a (69 urte)
Hobiratze lekua	Vagankovo Cemetery (en)
Familia
Ezkontidea(k)	Svetlana Antipova (en)
Hezkuntza
Hizkuntzak	errusiera
Jarduerak
Jarduerak	saskibaloi jokalaria eta saskibaloi entrenatzailea
Ibilbidea
	Parte-hartzailea 1980ko Udako Olinpiar Jokoak ; 1976ko Udako Olinpiar Jokoak ; 1972ko Udako Olinpiar Jokoak ; 1968ko Udako Olinpiar Jokoak ; 1967 FIBA World Championship (en) ; 1970 FIBA World Championship (en) ; 1974 FIBA World Championship (en) ; 1978 FIBA World Championship (en) ; EuroBasket 1967 (en) ; EuroBasket 1969 (en) ; EuroBasket 1971 (en) ; EuroBasket 1973 (en) ; EuroBasket 1975 (en) ; EuroBasket 1977 (en) ; EuroBasket 1979 (en) ; 1970 Summer Universiade (en) ;
Posizio edo espezialitatea	eskolta
Pisua	82 kilogramo
Altuera	190 zentimetro
Jasotako sariak	ikusi Ohorezko Ordena ; Ohorezko Intsigniaren ordena ; FIBA Hall of Fame (2007ko irailaren 12a) ; Medal "For Distinguished Labour" ; Merited Coach of the USSR ; Honored Physical Culture Worker of the Russian Federation ; SESBeko Kirolaren Maisu ohorrezko ;

Sergei Aleksandrovitx Belov (errusieraz: Серге́й Алекса́ндрович Бело́в; Naschokovo, Tomsk Oblast, 1944ko urtarrilaren 23a – Perm, 2013ko urriaren 3a) ^[1] SESBko saskibaloi jokalari eta entrenatzailea izan zen.

Biografia[aldatu | aldatu iturburu kodea]

Garai guztietako Europako saskibaloi jokalaririk handienetakotzat hartzen da, eta Indianako Basketball Hall of Fame-n sartutako lehen jokalari ez-amerikarra izan zen. Nazioarte mailan errekor paregabea du, 15 dominarekin Sobietar Batasunarekin nazioarteko lehiaketetan eta hiru entrenatzaile gisa Errusiarekin.

Lau Olinpiar Jokotan parte hartu zuen SESBko selekzioarekin. Bere parte-hartzeen artean, 1972ko final famatua dago, non SESBk Estatu Batuak irabazi zituen finalean, nazioarteko saskibaloiaren historiako azken segundo eztabaidagarrienen ostean (51-50). Bi jaurtiketa libreren ostean puntu bakarreko aldea atera zuten amerikarrek (49-50), baina bigarren jaurtiketa baino lehen mahaiko sirenak jo zuen (sobietar bankuak eskatutako atsedenaldia), baina jaurtiketa librea baino lehen ez zuten eman, eta zenbat segundo falta ziren partida amaitzeko eztabaida sortu zen. Hasieran, mahaiak 3 segundo falta zirela uste du, bi segundo kentzen dira eta azken txanpara sobietar saskiratzerik gabe iristen da. Mahaiaren hausnarketa berri batek, William Jones FIBAko idazkari nagusiaren esku-hartzearekin, hasieran geratzen ziren hiru segundoak atzera botatzea eragiten du eta jabetza sobietar taldeari hirugarren aldiz alboko jaurtiketa batekin ematen zaio. Sobietarrek pase luzea egiten dute bere zelaitik beste saskira, non Aleksandr Belov pibotaren bi defendatzaileak, Kevin Joyce eta Jim Forbes, oreka galduta erortzen dira eta Belovek saskiraketa erraz bat egitea lortzen du amerikarren harriduraren aurrean. Amerikako protesta ugari izan arren, emaitza baliozkotzat jo zuten.

Urrezko domina horretaz gain, Sergei Belovek beste hiru brontzezko domina irabazi zituen sobietar taldearekin 1968, 1976 eta 1980ko Olinpiar Jokoetan. Azken horietan, Moskun ospatutakoetan, zuzia olinpikoaren eramaileetako bat ere izan zen.

Gainera, bi aldiz izan zen munduko txapeldun, 1967an eta 1974an, eta lau aldiz Europako txapeldun.

Bere klubarekin, CSKA Mosku-rekin, Sobietar Armadako klubarekin, Europako Kopako (Euroligaren aurrekoa) bi aldiz txapeldun izan zen 1969an eta 1971n eta finalista beste bitan, 1970ean eta 1973an. Parte hartu zuen lau final horietatik, hirutan partidako gizon izendatu zuten.

Errusiako Saskibaloi Federazioko presidentea izan da 1993 eta 1998 artean.

Munduko dominen errekorra du, Amaury Pasos, Ubiratan Pereira Maciel eta Wlamir Marques brasildarrekin batera, etaKrešimir Ćosić eta Dražen Dalipagić jugoslaviarrekin batera, lau dominarekin.

Eurobasket-en dominen errekorra ere badu, Krešimir Ćosić jugoslaviarrarekin eta Pau Gasol espainiarrarekin batera, 7 dominarekin.

Sergei Belov 2013ko urriaren 3an hil zen ^[1] gaixotasun luze baten ondorioz.